Posted: 06/22/2012 07:14 PM IST

      స్టైలిష్ స్టార్ అల్లు అర్జున్ ప్రస్తుతం చేస్తున్న జులాయి తిరుగుడు తర్వాత లవర్ అవతారం ఎత్తబోతున్నట్టు బాలీవుడ్ వర్గాలు కోడై కూస్తున్నాయి. తాజాగా బన్నీ నటించిన 'జులాయి' సినిమా విడుదలకు రెడీ అవడంతో, ఇక ఆ తర్వాత ఆయన నటించే సినిమా గురించిన వార్తలు గుప్పుమంటున్నాయి. పూరీ జగన్నాథ్ తో ఓ సినిమా ఉందనీ, తమిళ దర్శకుడు 'okok ' ఫేం రాజేష్ తో మరో సినిమా చేస్తున్నాడనీ, సురేందర్ రెడ్డితో ఒక సినిమా ఉందనీ ... ఇలా రకరకాల వార్తలు వస్తున్నాయి. అయితే, బన్నీ ఇమ్మీడియేట్ గా మొదలెట్టే సినిమా దిల్ రాజుదే అని తెలుస్తోంది. ఆమధ్య నాగచైతన్యతో 'జోష్' సినిమా తీసిన వాసూ వర్మ దీనికి దర్శకత్వం వహిస్తాడు. దీనికి సంబంధించిన స్క్రిప్ట్ పక్కాగా రెడీ అయిందట. 'లవర్' అనే టైటిల్ కూడా దీనికి రిజిస్టర్ చేశారు. ఈ చిత్రం తర్వాతే మిగతా చిత్రాలు ఉంటాయని తెలుస్తోంది. లవర్ అతి త్వరలోనే సెట్స్ మీదకు వెళ్లబోతుందన్న ఖచ్చితమైన సమాచారం ఉండటంతో ఆ చిత్రం ఎలా ఉండబోతుందన్న అంచనాలు ఇక మొదలయ్యాయి. ఇప్పటికే జులాయిలో కేక పుట్టించే స్టిల్స్ ఇచ్చిన అల్లు అర్జున్ మరి రాబోయే సినిమాలో ఎలాకనిపిస్తాడో వేచిచూడాలి.

...avnk