Posted: 06/13/2012 07:25 PM IST

     యంగ్ రెబల్ స్టార్ ప్రభాస్ అభిమానులంతా 'రెబల్' చిత్రం కోసం ఆసక్తిగా ఎదురు చూస్తున్నారు. దాంతో ఈ సినిమాని సాధ్యమైనంత త్వరగా ప్రేక్షకుల ముందుకి తీసుకు రావడానికి దర్శక నిర్మాతలు ప్రయత్నిస్తున్నారు. ఈ నేపథ్యంలోనే ప్రభాస్ మరో చిత్రం 'వారధి' చిత్రం విడుదల తేదీ విషయంలో ఆ చిత్ర దర్శక నిర్మాతలు ఓ నిర్ణయానికి వచ్చేసినట్టు తెలుస్తోంది. ప్రభాస్ జోడీగా అనుష్క - రిచా గంగోపాధ్యాయ నటిస్తోన్న ఈ సినిమాని డిసెంబర్ 21 న విడుదల చేసేందుకు వాళ్లు సన్నాహాలు చేస్తున్నారు. అంతేకాదు..  ఈ సినిమా తదుపరి షెడ్యూలు ఈ నెల 17 నుంచి ప్రారంభామౌతుందనీ ... ఈ షెడ్యూలులో క్లైమాక్స్ సన్నివేశాలను చిత్రీకరించడం జరుగుతుందని చెబుతున్నారు. అయితే.. యూవీ క్రియేషన్స్ బ్యానర్ పై రూపొందుతోన్న ఈ సినిమా, టైటిల్ సందిగ్ధం నుంచి ఇంకా బైట పడలేదు. ప్రభాస్ కి యాక్షన్ హీరోగా మాస్ ప్రేక్షకుల్లో మంచి పేరుంది. అందువల్ల 'వారధి' అనే టైటిల్ మరీ సాఫ్ట్ గా ఉందనే విమర్శలు తలెత్తాయి. ఈ నేపథ్యంలో ఈ సినిమాకి 'రుద్ర' అనే టైటిల్ ని పరిశీలిస్తున్నారు.

...avnk