Posted: 05/29/2012 04:56 PM IST

      ఇప్పుడు తెలుగు చిత్ర సీమను ఏలుతోన్న అగ్ర కథానాయికల మదిని తొలిచేస్తోన్న ప్రశ్న ఏదంటే... ఆమెదగ్గర ఉన్నదేంటి..మాదగ్గర లేనిదేంటి.., అంతేకదు.. ఈ షాకుమీద షాకులేంటి.. ఇదే మీమాంశ... సాధారణంగా కొంతమంది పైకి స్టేట్మెంట్లు అవీ ఇవ్వకుండా చాలా సైలెంట్ గా కనిపిస్తూ, మిగతా వాళ్లకి షాక్ ఇచ్చేస్తూవుంటారు. సమంతా కూడా ఇప్పుడు అలాగే కనపడుతోంది. కాజల్, తమన్నా వంటి తన స్థాయి హీరోయిన్లకు ఈ చెన్నయ్ అందం అలాంటి షాకులే ఇస్తోంది. ఓ పట్టాన వాళ్లకి ఈ ముద్దుగుమ్మ మింగుడుపడడం లేదు. గౌతమ్ మీనన్ లాంటి దర్శకుడితో వరుసగా రెండు సినిమాలు (ఏ మాయ చేసావే, ఎటో వెళ్ళిపోయింది మనసు) చేయడమే ఒక క్రెడిట్ అనుకుంటే... ఆ వెంటనే కథానాయికల కలల దర్శకుడు మణిరత్నం సినిమాలో నటించే అవకాశం కొట్టేసి, మిగతా హీరోయిన్లకు షాక్ ఇచ్చింది. ఇదంతా ఒక ఎత్తనుకుంటే, తాజాగా శంకర్ సినిమాలో కూడా చాన్స్ అందిపుచ్చుకుని పెద్ద షాక్ ఇచ్చింది. ఈ నేపథ్యంలో... అసలు తమలో లేనిదీ, సమంతాలో ఉన్నదీ ఏమిటంటూ.. ఈ హీరోయిన్లు ఎవరికీ చెప్పకుండా తమలో తామే మధనపడుతున్నారట.
       ఇంతవరకూ సమంతా అద్భుతమైన అభినయాన్ని ప్రదర్శించిందన్న సినిమా కూడా ఏమీ లేదనీ, మరి ఈ అవకాశాలు ఆమెకెలా వస్తున్నాయనీ అనే ఆలోచనలో ఈ తారలు ఉన్నారని సమాచారం. అయితే ఒకటి, మణిరత్నం, శంకర్ వంటి దర్శకుల వద్ద రికమండేషన్లు, కాకా పట్టడాలు వంటివి పనిచేయవన్నది అందరికీ తెలిసిందే. మరి, సమంతా ఎలా ఈ అవకాశాలు పొందుతోంది? ఇది హీరోయిన్లనే కాదు... ఇప్పుడు టాలీవుడ్, కోలీవుడ్ లలో అందరినీ వేధిస్తున్న ప్రశ్న. ఆనక దీనికి సంమంతానే సమాధానం చెబుతుందేమో చూడాలి.

...avnk