Posted: 05/29/2012 07:49 PM IST

      మెగా పవర్ స్టార్ రామ్ చరణ్ ఉపాసనల మ్యారేజ్ ఏరేంజ్ లో ఉండబోతుందనే దానిలో ఎవరి అంచనాలు వారివి. అత్యంత అద్భుతంగా ఈ వేడుకను రక్తికట్టించే ఉద్దేశ్యంతో ప్రతీ అంశాన్ని పూర్తి స్థాయిలో అంగరంగ వైభవంగా రూపొందించేందుకు సన్నాహాలు జరుగుతున్నాయి. పెళ్లి వేడుక జరిగే ప్రాంతాన్ని అలంకరించే బాధ్యత అంతా ఆర్ట్ డైరెక్టర్ ఆనంద్ సాయి అధీనంలో జరుగుతోంది. ఈన వృత్తిరిత్యా భారీ సినిమా సెట్టింగులు వేయటంలో తనదైన ముద్ర వేసిన వ్యక్తి.
      అయితే.. 'తొలిప్రేమ' చిత్రంతో ఆనంద్ సాయిని ఆర్ట్ డైరెక్టర్ని చేసిన క్రెడిట్ పవన్ కల్యాణ్ కే దక్కుతుంది. అప్పటి నుంచీ పలు చిత్రాలకు పని చేస్తూనే... హీరోల పెళ్లిళ్లకు కూడా సెట్స్ డిజైన్ చేయడంలో ప్రత్యేకత చాటుకుంటున్నాడు. ఆమధ్య యన్టీఆర్ వివాహానికి ఆయన డిజైన్ చేసిన వేదిక అందర్నీ ఆకట్టుకుంది.  ప్రస్తుతం రామ్ చరణ్ వివాహ వేదిక బాధ్యతల్ని కూడా ఆయనే తీసుకున్నారు. చెర్రీ (చరణ్) వెడ్డింగ్ కి, సంగీత్ కార్యక్రమానికీ, రిసెప్షన్ కీ తానే సెట్స్ డిజైన్ చేస్తున్నట్టు ఆనంద్ సాయి చెబుతున్నాడు. మరో విశేషమేమిటంటే, ప్రస్తుతం చరణ్ నటిస్తున్న 'ఎవడు', వీవీ వినాయక్ సినిమాలకు కూడా ఆయనే కళా దర్శకత్వం బాధ్యతలు వహిస్తున్న సంగతి తెలిసిందే. ఏమాత్రం వ్యయ ప్రయాసలకు లెక్కచేయని ఈ ఈవెంట్ కళ్లుమిరుమిట్లుగొలిపేలా ఉంటుందనటంలో అతిశయోక్తి ఏముంటుంది.

...avnk