Posted: 05/29/2012 04:43 PM IST

     సూపర్ స్టార్ మహేష్ బాబు – ప్రముఖ దర్శకుడు బోయపాటి కలయిక చూడాలన్న ప్రేక్షకుల ఆశలు నెరవేరతాయో లేదో తేలే సమయం ఆసన్నమైంది.  ఈ వారంలో తాను మహేష్ బాబు ని కలవబోతున్నట్టు దర్శకుడు బోయపాటి శ్రీను మీడియాతో చెప్పారు. గతంలోనే మహేష్ ని బోయపాటి శ్రీను కలిసి కథ వినిపించాడనీ ... అయితే ఆ కథని తన బాడీ లాంగ్వేజ్ కి తగిన విధంగా మార్పులు చేయమని మహేష్ సూచించినట్టు వార్తలు వచ్చాయి. ఇదే విషయాన్ని బోయపాటి దగ్గర ప్రస్తావిస్తే, తాను ఈ వారంలో మహేష్ ని కలిసి కథని వినిపించబోతున్నట్టు చెప్పారు.
    ఈ కథ మహేష్ బాడీ లాంగ్వేజ్ కి దగ్గరగా, తన టేకింగ్ స్టైల్ కి మరింత దగ్గరగా ఉంటుందని అన్నారు. తాను కుటుంబ కథా చిత్రాలను తీసినా అందులో సందర్భానుసారంగా యాక్షన్ ఎపిసోడ్స్ ఉంటాయనీ, యాక్షన్ అనేది లేకుండా తాను సినిమాలు చేయలేనని చెప్పారు. యువ కథానాయకులందరితో సినిమాలు చేయాలని ఉందనీ, ఇతర భాషా చిత్రాల వైపు వెళ్లే ఆలోచన లేదని అన్నారు. 
     'దమ్ము' సినిమాతో భారీ హిట్ ఇవ్వలేకపోయిన బోయపాటితో చేయడానికి మహేష్ అంగీకరిస్తాడా? లేదా? అనేది ప్రస్తుతం ఆసక్తికరంగా మారింది. అయితే బోయపాటి గత రికార్డును బట్టి మహేష్.. ఈ సినిమాకు ఓకే చెప్తాడని అభిమానులు ఆశిస్తున్నారు. అంతేకాక కత్తితో చీల్చి చెండాడే పాత్రలను ఇంతవరకూ మహేష్ చేయకపోవటంతో డిఫెరెంట్ గా ఉంటుందని మహేష్ బాబు ఓకే చెబితే చెప్పొచ్చంటున్నారు చిత్ర విశ్లేషకులు.

...avnk