Posted: 05/22/2012 12:55 PM IST

      తాజా వార్త ఏంటంటే రవితేజను సార్ అనేందుకు సిద్దపడింది కాజల్. ఆమధ్య 'వీర' చిత్రంలో రవితేజాతో జతకట్టిన కాజల్ అగర్వాల్, మళ్లీ అతని పక్కన నటించే అవకాశాన్ని పొందింది. 'ఆంజనేయులు' ఫేం పరశురాం దర్శకత్వంలో వైజయంతీ మూవీస్ అధినేత అశ్వనీదత్ నిర్మించే 'సార్ వస్తారా' చిత్రంలో కథానాయికగా నటించడానికి కాజల్ తాజాగా సంతకం చేసినట్టు తెలుస్తోంది. ఈ ప్రాజక్టులోకి కాజల్ ప్రవేశం కొన్ని ప్రత్యేక పరిస్థితులలో జరిగింది. మొదట్లో ఈ సినిమాకి హీరోయిన్లుగా త్రిష, అమలాపాల్ ఎంపికయ్యారు. అడ్వాన్సు కూడా తీసుకున్నారు. అయితే, ఉన్నట్టుండి డేట్స్ సమస్యను సాకుగా చూపుతూ ముందుగా అమలా పాల్ ఈ ప్రాజక్టు నుంచి తప్పుకోగా, ఆ వెంటనే త్రిష కూడా అదే సమస్యను చూపిస్తూ తనూ తప్పుకున్న సంగతి తెలిసిందే.
       యథాలాపంగా ఒకేసారి ఇద్దరు హీరోయిన్లూ హ్యాండ్ ఇవ్వడంతో దర్శక నిర్మాతలతో బాటు హీరో రవితేజ కూడా అవమానంగా ఫీల్ అయ్యాడని ఆ మధ్య వార్తలొచ్చాయి. ఈ నేపథ్యంలో తనే కాజల్ తో మాట్లాడి, ఒప్పించినట్టు ప్రచారం జరుగుతోంది.

...avnk