Posted: 05/13/2012 07:20 PM IST

కొన్ని దశాబ్దాల క్రితం వచ్చిన హిందీ సినిమా 'షోలే' చూసిన వాళ్లకి మాత్రమే 'గబ్బర్ సింగ్' పేరు తెలుస్తుంది. అయితే, ఇప్పుడు మన రాష్ట్రంలో అందరికీ ఈ పేరు తెలిసిపోయింది. దానికి కారణం, ఈ టైటిల్ తో పవన్ కల్యాణ్ సినిమా చేయడమే! అయితే, ఈ సినిమాకి ఆ టైటిల్ పెట్టింది ఎవరో తెలుసా... అది కూడా పవన్ కల్యాణే! ఈ విషయాన్ని తాజాగా ఈ చిత్ర దర్శకుడు హరీష్ శంకర్ బయటపెట్టాడు.      "పవన్ కల్యాణ్ గారి నుంచి పిలుపు రాగానే వెళ్లి కలిశాను. ఈ టైటిల్ చెప్పి, ఈ సినిమా మనం చేస్తున్నాం. సినిమా నిండా ఎంటర్ టైన్మెంటే వుండాలి... అన్నారాయన. కాస్త సమయమివ్వమని అడిగాను. సరే అన్నారు. తరువాత ఆరు నెలల పాటు వర్క్ చేసి స్క్రిప్ట్ వినిపించాను. ఆయన గ్రీన్ సిగ్నల్ ఇచ్చేశారు. ఇంతకీ, ఈ టైటిల్ ఆయనే పెట్టిన విషయం ఎవరికీ తెలియదు. మాకు మాత్రమే తెలుసు" అన్నారు హరీష్. శుక్రవారం విడుదలైన ఈ సినిమా రాష్ట్రవ్యాప్తంగా సంచలనం స్రుష్టిస్తోన్న సంగతి తెలిసిందే.

....avnk