Posted: 05/09/2012 05:49 PM IST

హీరో గా దూసుకుపోతోన్న కామెడీ యాక్టర్ సునీల్ 'పూలరంగడు' తర్వాత ఇషాచావ్లా తో ఓ సరికొత్త చిత్రంలో నటిస్తున్న విషయం మనకు తెలుసు.  మెగాస్టార్ చిరంజీవి చేతులమీదుగా ఆమధ్య ప్రారంభమైన ఈ సినిమా రెగ్యులర్ షూటింగ్ ని జరుపుకుంటున్నటుంది. 'తను వెడ్స్ మను' పేరుతో బాలీవుడ్ లో ఘన విజయాన్ని సాధించిన ఈ  చిత్రాన్ని తెలుగులో 'రాధాకృష్ణుడు'గా తెరకెక్కి స్తున్నారు. ముందుగా ఈ సినిమాకి 'సీతారాముడు' అనే టైటిల్ అనుకున్నప్పటికీ ... ఆ తరువాత 'రాధాకృష్ణుడు' అనే టైటిల్ ని ఖరారు చేసుకున్నారు. ' పూలరంగడు' సినిమా సక్సెస్ కావడంతో, ఆ సినిమాలో కథానాయికగా నటించిన ఇషాచావ్లాకి ఈ సినిమాలో అవకాశం దక్కింది. మెగా సూపర్ గుడ్ ఫిల్మ్స్ బ్యానర్ పై నిర్మించిన ఈ సినిమాకి దేవి ప్రసాద్ దర్శకుడిగా వ్యవహరిస్తున్నారు. ఇంతవరకూ సునీల్ హీరోగా నటించిన సినిమాలన్నీ విజయవంతం కావటంతో ఈ సినిమా మీద టాలీవుడ్ లో అంచనాలు పెరుగుతున్నాయి.

...avnk