Posted: 05/09/2012 06:18 PM IST

      సూపర్ స్టార్ మహేష్ -రాజమౌళి కాంబినేషన్ లో రాబోతున్న మూవీ ఎలా ఉండబోతోందనేది టాలీవుడ్ లో ఇప్పుడు ఈ విషయం ఆసక్తిగా మారింది. అయితే మహేష్‌తో జేమ్స్‌బాండ్ లేదా ‘అల్లూరి సీతారామరాజు’ తరహాలో చారిత్రాత్మక చిత్రం చేయాలన్నది తన కోరిక అంటూ రాజమౌళి ‘బిజినెస్‌మేన్’ ఆడియో వేడుకలో కామెంట్స్ చేసిన విషయం తెలిసిందే. ఇప్పుడు ఆ మాటలు నిజం కాబోతున్నాయి. చాలా కాలం నుంచి ఫ్యాన్స్ ఎదురుచూస్తున్న రాజమౌళి-మహేష్‌బాబుల క్రేజీ కాంబినేషన్‌లో ఈ ఏడాది ఓ భారీ చిత్రం తెరకెక్కనుంది. దుర్గా ఆర్ట్స్ పతాకంపై ప్రముఖ నిర్మాత కె.ఎల్.నారాయణ ఈ చిత్రాన్ని నిర్మించనున్నారు.
     తాజాగా ఓ పత్రికకు ఇచ్చిన ఇంటర్వ్యూలో కె.ఎల్.నారాయణ ఈ విషయాన్ని తెలిపారు. రొటీన్ కమర్షియల్ చిత్రంలా కాకుండా వైవిధ్యమైన కథాంశంతో అభిమానుల్లో వున్న అంచనాలకు తగినట్లుగా ఈ చిత్రం తెరకెక్కనుందని సమాచారం. రాజమౌళి సినిమాల్లో కథానాయకుడి పోరాట సన్నివేశాలు అద్భుతంగా ఉంటాయి. మరి రాజమౌళి చెప్పినట్లుగా ఈ సినిమా జేమ్స్‌బాండ్ చిత్రమో లేదా చారివూతక కథాంశ చిత్రమో త్వరలోనే తేలిపోనుంది.

...avnk