Posted: 05/09/2012 03:32 PM IST

       తమ అభిమాన హీరో పవర్ స్టార్ పవన్ కళ్యాణ్ మూవీ విడుదల పురస్కరించుకుని రాష్ట్రవ్యాప్తంగా పవర్ స్టార్ అభిమానుల్లో ఆనందం అంబరాన్నంటుతోంది. రాష్ట్రంలోనే కాదు అనేక ప్రాంతాల్లో తమ అభిమాన హీరో సినిమా విడుదలయ్యే థియేటర్లను బ్యానర్లతో నింపేస్తున్నారు ఫ్యాన్స్. ‘గబ్బర్ సింగ్’ మూవీ విడుదలను ఒక పండుగలా నిర్వహిస్తున్నామంటూ ఆంధ్రావిశేష్.కాం కు అనేక ఫొటోలు..వర్తమానాలు అందుతున్నాయి. ఇదిగో ఇక్కడ చూస్తున్నది ఆ తరహా సందేశాల్లో ఒకటి. స్థాలా భావం వల్ల  ఒకటి రెండు ఫొటోలు మాత్రమే మీకు అందించ గలుగుతున్నాం. కర్నూలు ఎర్రబురుజు సెంటర్లో గబ్బర్ సింగ్ స్టేషన్ పేరిట నెలకొల్పిన ఫ్లెక్సీ అందరినీ ఆకర్షిస్తోంది. అంతేకాదు పవర్ కే బ్రాండింగా అనే రీతిన విశాఖ పట్టణంలో పవన్ కళ్యాణ్ కుమారుడు కలిగిన బ్యానర్ కూడా మీరిక్కడ చూడొచ్చు.

          ఇదిలా ఉంటే.. ఇటీవల రెండు భారీ పరాజయాలు చవిచూసినప్పటికీ పవన్ కళ్యాణ్ సినిమాకు వస్తున్న తాకిడిని చూస్తుంటే ఆశ్య్చర్యమేస్తుందని అనేక ప్రాంతాలలోని థియేటర్ల యాజయాన్యాల నుంచీ వార్తలు వెలువడుతున్నాయి. ఇంతకుముందెన్నడూ లేని విధంగా ఈ సినిమా బెన్ఫిట్ షోకు 2 వేలకు పైగానే టిక్కెట్ రేటు పలుకుతుందంటే అర్థంచేసుకోవచ్చు. అంతేకాదు ఈ మూవీలో కెవ్వు కేక తన ప్రభంజనాన్ని స్రుష్టిస్తోంది. యూట్యూబ్ లో ఈ పాట ప్రోమోకు వస్తోన్న హిట్స్ చూస్తుంటే మతి పోతుందని సినీ పండితులు సైతం అబ్బుర పడుతున్నారు. పవన్ కళ్యాణ్ కు ప్రేక్షకుల్లో ఉన్న వల్లమాలిన ప్రేమకు ఇదే తార్కణమేమో.

 

...avnk