Posted: 05/09/2012 02:31 PM IST

           టీవీల్లో 'సత్యమేవ జయతే' కార్యక్రమంతో బుల్లితెరపై అమీర్ హవా మొదలైందనిపిస్తుంది. ఈ కార్యక్రమాన్ని 8 భాషల్లోకి అనువదించి 100 కి పైగా దేశాల్లో ఒకేసారి ప్రసారం చేస్తున్నారు. మొన్న ఆదివారం ప్రసారమైన మొదటి ఎపిసోడ్ తోనే అమీర్ ఖాన్ అన్నివర్గాల ప్రేక్షకుల ప్రశంసలు అందుకోవడం విశేషం. సాధారణంగా హిందీ సీరియల్స్ కి సంబంధించి ఒక్కో ఎపిసోడ్ కి 8 లేదా 9 లక్షలు ఖర్చు పెడుతుంటారు. అదే రియాల్టీ షో విషయానికి వస్తే 35 లక్షలనుంచి కోటి రూపాయల వరకూ ఖర్చు అవుతుంటుంది. అయితే ఈ కార్యక్రమానికి సంబంధించి ఒక్కో ఎపిసోడ్ కి 4 కోట్లు ఖర్చు పెడుతున్నారట. ఇందులో ఒక్క అమీర్ ఖాన్ పారితోషికమే 3 కోట్లు అని తెలుస్తోంది. అంటే ఒక నెలకి అమీర్ ఖాన్ కి 12 కోట్లు పారితోషికంగా ముడుతున్నాయి. ఇక ఈ కార్యక్రమానికి (13 ఎపిసోడ్స్ ) గాను ... భారతి ఎయిర్ టైల్ - 18 కోట్లు, ఆక్వాగార్డ్ - 16 కోట్లు చెల్లిస్తూ, స్పాన్సర్లుగా వున్నాయి. ఇక యాక్సిస్ బ్యాంక్, కోకాకోలా ఇండియా, స్కోడా ఆటో ఇండియా, బెర్గర్ పెయింట్స్ లిమిటెడ్, డిక్సీ టెక్స్ట్ టైల్స్ ప్ప్రై .లి., జాన్సన్ అండ్ జాన్సన్ వారు 6 కోట్ల చొప్పున చెల్లిస్తూ, కో- స్పాన్సర్స్ గా వ్యవహరిస్తున్నారు.

...avnk