Posted: 05/09/2012 02:16 PM IST

       వరుస ఫ్లాపులతో కథానాయికల రేసులో కాస్త వెనుకపడిన ఇలియానా మళ్లీ పుంజుకుంటోంది. ప్రస్తుతం అల్లు అర్జున్ తో 'జులాయి', రవితేజతో 'దేవుడు చేసిన మనుషులు' చిత్రాలలో నటిస్తున్న ఈ సన్న నడుము సుందరి, తాజాగా పవన్ కల్యాణ్ పక్కన నటించడానికి సైన్ చేసినట్టు తెలుస్తోంది.  త్రివిక్రమ్ శ్రీనివాస్ దర్శకత్వంలో పవన్ కల్యాణ్ హీరోగా ఓ చిత్రాన్ని నిర్మించడానికి గత కొంత కాలంగా సన్నాహాలు జరుగుతున్న సంగతి మనకు తెలిసిందే.
      బీవీయస్ఎన్ ప్రసాద్ నిర్మించే ఈ చిత్రంలో కథానాయికగా ఈ గోవా బ్యూటీని ఎంచుకున్నారట. గతంలో ఇలియానా 'జల్సా' చిత్రంలో పవన్ తో జతకట్టిన సంగతి తెలిసిందే. మళ్లీ 'జల్సా' కాంబినేషన్లోనే రూపొందే ఈ చిత్రం షూటింగు ఆగష్టు, సెప్టెంబర్ నెలల్లో ప్రారంభం కావచ్చని తెలుస్తోంది.

...avnk