Posted: 04/27/2012 09:01 PM IST

       మెగా పవర్ స్టార్ రామ్ చరణ్-ఉపాసన వివాహం జూన్ 14న జరగబోతోంది. హైదరాబాద్ లోని గండిపేటలో ఉన్న ఫాం హౌస్ లో ఈ మ్యారేజ్ అంగరంగ వైభవంగా జరుగనుంది. ఇక మే తొలి వారం నుంచి పెళ్లి పత్రికల పంపకాలు మొదలు పెట్టబోతున్నాయి ఇరు కుటుంబాలు. ఈ పెళ్ళికి రాజకీయ, సినీ రంగాలకు చెందిన ప్రముఖులు హాజరు కాబోతున్నారు.
       అందుకోసం ఫాం హౌస్ చుట్టుపక్కల పటిష్టమైన భద్రత ఏర్పాట్లు చేస్తున్నారు. ఎలక్ట్రానిక్ ఎంట్రీ కార్డు సిస్టం ఏర్పాటు చేసి వాటితో పత్రికలతో పాటు వాటిని కూడా పంచనున్నారు. ఈ పెళ్లికి ఇరు కుటుంబాలకు చెందిన బంధువులు, విఐపీలు, ప్రముఖులకు మాత్రమే ఆహ్వానం ఉంది. రామ్ చరణ్ పెళ్లిని స్వయంగా చూడాలనుకునే అభిమానులకు మాత్రం నిరాశే కలుగనుంది. ఫ్యాన్స్ కు మ్యారేజ్ ఎంట్రీ లేదు.‌ నేరుగా చూసే అవకాశం కల్పించడం లేదు. టీవీల్లో చూడాల్సిందే. భద్రత కారణాల వల్లే ఈ నిర్ణయం తీసుకున్నట్లు తెలుస్తోంది.
      అయితే, పెళ్లి పూర్తవగానే అదే రోజు రాత్రి సినీ, రాజకీయ ప్రముఖులకు ప్రత్యేకమైన విందు ఏర్పాటు చేస్తున్నారు. అయితే అభిమానులకు మాత్రం ఆ మర్నాడు విందు కార్యక్రమం ఉంటుందని, అక్కడే చరణ్-ఉపాసన అభిమానులను కలుస్తారని విశ్వసనీయవర్గాల సమాచారం.

...avnk