Posted: 04/27/2012 08:54 PM IST

        సౌతిండియన్ క్రేజీ హీరో సూర్య... తొలిసారిగా సీక్వెల్ లో నటించడానికి రెడీ అయ్యాడు. ఇప్పటి వరకు డిస్కషన్స్ స్టేజ్ లోనే ఉన్న 'సింగం' మూవీ సీక్వెల్ కు బ్లూ ఫ్రింట్ రెడీ అయ్యింది. సింగం సినిమాను తెరకెక్కించిన దర్శకుడు హరి... ఈ సరికొత్త సీక్వెల్ ను తెరకెక్కించబోతున్నాడు.
       ఇక ఈ క్రేజీ సీక్వెల్ సినిమాలో ఇద్దరు హీరోయిన్లు నటించడం ఖాయమైంది. సింగం మూవీలో సూర్య సరసన రొమాన్స్ చేసిన అనుష్క మేన్ హీరోయిన్ గా నటించబోయే ఈ సీక్వెల్ మూవీలో... హన్సిక సెకండ్ హీరోయిన్ ఛాన్స్ ను దక్కించుకుంది. ఇలా కోలీవుడ్ ను ఊపేస్తున్న ఇద్దరు హాట్ హాట్ భామలు ఈ సినిమాలో నటించబోతుండటంతో ఈ సీక్వెల్ మూవీపై సినీ జనాలు ఆసక్తి చూపిస్తున్నారు.         ఇదిలా ఉంటే సింగం మూవీ సీక్వెల్ న్యూస్ బాలీవుడ్ లోనూ హాట్ టాపిక్ గా మారింది. తెలుగులో యముడు పేరుతో అనువాదమైన సింగం... బాలీవుడ్ లో మాత్రం సింగం పేరుతో రీమేక్ అయ్యింది. అజయ్ దేవగన్ హీరోగా తెరకెక్కిన ఈ మూవీ బాలీవుడ్ లో ఏకంగా 100 కోట్లను వసూలు చేసి... అజయ్ దేవగన్ రెమ్యూనరేషన్ రేంజ్ ను 15 కోట్లకు పెంచేసింది.

...avnk