Posted: 04/26/2012 07:38 PM IST

                అనుకున్న విషయాన్ని కుండబద్దలు గొట్టే యంగ్ హీరో సిద్దార్థ్ రూటు మార్చాడు.  ఇన్నాళ్లూ లవర్ బాయ్ గా కనిపించిన ఈ యంగ్ హీరో, త్వరలో యాక్షన్ హీరోగా కనిపించనున్నాడు. ఓ తమిళ చిత్రంలో తొలిసారిగా యాక్షన్ పాత్రను పోషించడానికి సిద్ధూ అంగీకరించాడు. ప్రముఖ తమిళ దర్శకుడు వెట్రిమారన్ దీనికి స్క్రిప్టును అందిస్తూ, ఈ చిత్రాన్ని ఆయనే నిర్మిస్తున్నారు. ఇటీవలి వరకూ ఆయన వద్ద అసోసియేట్ గా పనిచేసిన మణికందన్ ఈ చిత్రానికి దర్శకత్వం వహిస్తున్నాడు. ఈ చిత్రానికి సన్నాహాలు వేగంగా జరుగుతున్నాయి.
           ఈమూవీ యాక్షన్ ఓరిఎంటేడ్ కథాంశంతో రూపొందే చిత్రం కాబట్టి, అందుకు తగ్గట్టుగా వ్యాయామం చేస్తూ సిద్ధూ తన శరీరాన్ని మలచుకుంటున్నాడు. చెన్నయ్- బెంగళూరు హైవే మీద ఈ కథ సాగుతుంది. అందుకని షూటింగు కూడా హైవే మీదే ఎక్కువగా జరపడానికి ప్లాన్ చేస్తున్నారు. 'దేశియా నెడుంచాలై' పేరుతో రూపొందే ఈ సినిమా షూటింగు వచ్చే నెల 2 నుంచి జరుగుతుంది. ఈ చిత్రంతో సిద్దూని కండల వీరుడిలా చూడొచ్చన్నమాట.
             కాగా, కొంతకాలంగా చేసిన సినిమాలన్నీ బాక్సాఫీస్ వద్ద బోల్తా పడటంతో  ప్రస్తుతం నందినీరెడ్డి దర్శకత్వంలో బెల్లంకొండ సురేష్ నిర్మిస్తున్న చిత్రం పైనే సిద్ధూ ఆశలు పెట్టుకున్నాడు.

...avnk