Posted: 04/04/2012 05:45 PM IST

             ‘దమ్ము’ సినిమాను యమ దమ్ముగా తీర్చిదిద్దేందుకు స్వయంగా యంగ్ టైగర్ ఎన్టీఆర్ రంగంలోకి దిగారు. ఆయన నటిస్తున్న హై వోల్టేజ్ యాక్షన్ ఎంటర్టైనర్ చిత్రం ‘దమ్ము’ ప్రస్తుతం పోస్ట్ ప్రొడక్షన్ పనులు జరుపుకుంటుంది. ప్రస్తుతం ప్రసాద్ ల్యాబ్లో ఈ పోస్ట్ ప్రొడక్షన్ పనులు జరుగుతుండగా ఎన్టీఆర్ దగ్గరుండి ఈ పనులు పర్యవేక్షిస్తున్నారు.
             ఈ మూవీలో డిఐ (డిజిటల్ ఇంటర్మీడియట్) విలువలు కూడా అత్యున్నత స్థాయిలో ఉండబోతున్నట్లు సమాచారం. ఏప్రిల్ చివరి వారంలో రాబోతున్న ఈ సినిమా మీద అటు సాంకేతిక పరంగానూ ఎక్కువ అంచనాలు ఉన్నాయి.
             ఎన్నోమార్లు వేరు వేరు కథలు వినిపించినా ఎన్టీఆర్ కు నచ్చక పోవటంతో చివరికి ఓకే చేసిన ఈ కథతో యంగ్ టైగర్ కు తన సత్తా ఏమిటో చూపించాలన్న కసి  బోయపాటి శ్రీను లో కనిపిస్తుంది.
             బోయపాటి ఆధ్యవర్యంలో తెరకెక్కుతోన్న ఈ చిత్రానికి అలెగ్జాన్డర్ వల్లభ నిర్మాత. కీరవాణి సంగీతం.

...avnk