Posted: 04/04/2012 06:43 PM IST

           ద గ్రేట్ ఫిల్మ్ ప్రొడ్యూసర్ అల్లు అరవింద్ మరో తనయుడు తెలుగుతెరపైకి తెరంగేట్రం చేయబోతున్నారనే సంకేతాలు వెలువడుతున్నాయి. ఒకప్పుడు అక్కినేని నాగచైతన్య చేస్తారనుకున్న పాత్రలో తాజాగా  అల్లు అర్జున్ సోదరుడు అల్లు శిరీష్ నటించనున్నట్టు వినికిడి.
            'గగనం' ఫేం రాధా మోహన్ గతంలో అక్కినేని నాగ చైతన్య కథానాయకుడుగా ఓ చిత్రం రూపొందించడానికి సన్నాహాలు చేసుకున్న సంగతి మనకు తెలిసిందే.  తెలుగు, తమిళ భాషల్లో ఏకకాలంలో నిర్మించే ఈ చిత్రానికి 'గౌరవం' అనే టైటిల్ కూడా రిజిస్టర్ చేశారు. అయితే, క్లాస్ ఆడియన్స్ ని దృష్టిలో పెట్టుకుని రూపొందించిన ఈ కథ చేస్తే, ప్రస్తుతం తన కెరీర్ కి ఇబ్బందవుతుందన్న ఉద్దేశ్యంతో నాగ చైతన్య ఈ ప్రాజక్టు నుంచి విరమించుకున్నారు.
            దాంతో, ఈ ప్రాజక్టు అల్లు అరవింద్ వద్దకు వెళ్ళింది. కథలను ఎంపికచేయటంలో దిట్టైన అరవింద్ కు  స్టోరీ నచ్చిందని సమాచారం. తన చిన్న కుమారుడు శిరీష్ ని హీరోగా పరిచయం చేయాలనుకుంటున్న అరవింద్ ఈ ప్రాజక్టుని శిరీష్ కోసం ఓకే చేశారని తెలుస్తోంది. టైటిల్ మార్పుతో ఈ మూవీ త్వరలోనే  సెట్స్ కు వెళుతుందని భోగట్ట. ఇదే జరిగితే త్వరలోనే మరో యంగ్ హీరో తెలుగుతెరపై అలరించబోతున్నారన్నమాట.

...avnk