Posted: 03/27/2012 05:50 PM IST

           నందమూరి నటసింహం బాలకృష్ణ  త్రిపాత్రాభినయంతో భారీబడ్జెట్ చిత్రంగా 'అధినాయకుడు' రూపొందింది. అయితే ఈ మూవీ వ్యయం అతి భారీగా మారి నిర్మాతని అవస్థలపాలు చేసింది. ఆర్ధికపరమైన కారణాల వల్లనే ఎలాంటి వేడుక నిర్వహించకుండా, ఈ సినిమా ఆడియోని ఆమధ్య నేరుగా మార్కెట్లోకి విడుదల చేసిన సంగతి మనకి తెలిసిందే. అంతేకాదు ఇక ఈ సినిమాని విడుదల చేసే పరిస్థితి కూడా లేక నిర్మాత ఎం.ఎల్. కుమార్ చౌదరి నానా ఇబ్బందులు పడుతున్నట్టు ఫిల్మ్ నగర్ వార్త.
           అయితే,  ఈ సినిమాని ఏప్రిల్ 2 లేదా 3 తేదీలలో రిలీజ్ చేయబోతున్నట్టు నిన్న మొన్నటి దాకా అనుకున్నారు. ఇక ఇప్పుడు తాజాగా అందిన సమాచారం ప్రకారం ఈ సినిమాని ఏప్రిల్ 12 న విడుదల చేయనున్నట్టు తెలుస్తోంది. పరుచూరి మురళి దర్శకత్వంలో భారీ తారాగణంతో ఈ మూవీ తెరకెక్కించారు. ఈ బాలయ్యబాబు సినిమా ప్రేక్షకులను, నిర్మాతను ఏ మేరకు మెప్పిస్తుందో చూడాలి.

...avnk