Posted: 02/05/2012 01:27 PM IST

అద్భుతమైన, ఆహ్లాదమైన కళాకండాల వంటి చిత్రాలు తీయటంలో ఆయనకాయనే సాటి మణిరత్నం. ఈ సుప్రసిద్ధ దర్శకుని మదినుంచి మరో చిత్రం రూపుదిద్దుకుంటుంది. తన మునపటి చిత్రమైన ‘ఘర్షణ’.. వంటి చిత్రాల్లో నటించిన హీరో కార్తీక్ తనయున్ని ఈ చిత్రంలో హీరోగా పరిచయం చేయబోతున్నారు. దీనికి ఇప్పుడు అధికారికంగా ‘కడల్’ (సముద్రం) అనే టైటిల్ ఖరారు చేశారు.

కార్తిక్ తనయుడు గౌతం సరసన సమంతా ఈ మూవీలో హీరోయిన్ గా నటిస్తోంది. వీరిరువురూ ప్రధాన పాత్రలు పోషిస్తోన్న ఈ చిత్ర కథా నేపధ్యం జాలరి గ్రామం లో జరిగే కథగా ఉండబోతుంది. ఫిబ్రవరి 11 తరువాత ఈ చిత్ర షూటింగ్లో సమంత పాల్గొంటుంది.. అయితే, ఈ సినిమాలో హీరోయిన్ గా సమంతా ను తీసుకునేందుకు మణి ఆలోచనలో పడ్డారని, ఆమె పంపిన ఫొటోలు ఈ పాత్రకు మణిరత్నాన్ని అంతగా మెప్పించలేకపోయాయని రూమర్లు షికారు చేసిన సంగతి మీకు గుర్తుండే ఉంటుంది.

అర్జున్, లక్ష్మి మంచు ఈ చిత్రం లో ప్రధాన పాత్రలు పోషిస్తున్నారు. అంతేకాదు అరవింద్ స్వామి కూడా ఓ మెరుపు మెరుస్తారు. ఏ.ఆర్.రహమాన్ సంగీతం అందిస్తుండగా రాజీవ్ మీనన్ సినిమాటోగ్రఫీ.

...avnk