Posted: 11/29/2011 08:32 PM IST

సహజనటి జయసుధ తొలిసారిగా బాలకృష్ణ సరసన నటిస్తున్నారు. బాలకృష్ణ కథానాయకుడిగా పరుచూరి మురళి దర్సకత్వంలో శ్రీ కీర్తి కంబైన్స్ పతాకంపై తెరకెక్కుతున్న ‘అధినాయకుడు’ చిత్రంలో జయసుధ బాలకృష్ణ భార్యగా నటిస్తున్నారు. ఈ చిత్రంలో బాలకృష్ణ తాత, తండ్రి, కొడుకు గా 3 తరాలకు సంబంధించిన 3 విభిన్న పాత్రలలో కనిపించనున్నారు. ‘అధినాయకుడు’ లో నియోజకవర్గ ఎమ్మెల్యే పాత్రలో బాలకృష్ణ నటిస్తున్నారు. మొదటి తరానికి చెందిన బాలకృష్ణ భార్య పాత్రలో జయసుధ నటిస్తున్నారు. రెండవ తరానికి తల్లిగా, మూడవ తరానికి నానమ్మగా జయసుధ ఈ చిత్రంలో కనిపిస్తారు. జయసుధ మొట్టమొదటిసారి బాలకృష్ణ సరసన నటిస్తున్నారు. గతంలో వీరిద్దరూ పలుచిత్రాలలో కలిసి నటించినప్పటికీ జంటగా కనిపించడం ఇదే మొదటిసారి.