Posted: 11/26/2011 12:29 PM IST

పవన్ కళ్యాణ్ ‘పంజా’ చిత్రం పై రోజుకో వార్త ఫిలిం నగర్ లో హల్ చల్ చేస్తుంది. ఇప్పటికే ఈ సినిమా పై అభిమానులకు భారీ అంచాలు ఉన్నాయి. దీనికి తగ్గట్లుగానే పవన్ పంజా పాటలు మార్కెట్లో పంజా విసురుతున్నాయి. అయితే తాజాగా వినిపిస్తున్న వార్త ఏంటంటే... పవన్ కళ్యాణ్ పోషించిన పాత్ర పేరు వినిపిస్తోంది. ఈ సినిమాలో పవన్ పేరు ‘జై’ అని ప్రచారం సాగుతోంది.

పాపారాయుడు పాటలో బ్రహ్మానందం అతన్ని జై అని పిలుస్తాడు. అంతేగాక నిర్మాత సైతం ఈ పేరుని ఖరారు చేశారని తెలుస్తుంది. అయితే మాఫియా డాన్ గా ఉండేటప్పుడు మాత్రం పవన్ పేరు జాక్సన్ రాబర్డ్ అని సమాచారం. అలాగే మరో ట్విస్ట్ ఏంటంటే పవన్ ఇందులో డబుల్ రోల్ పోషిస్తున్నాడని వార్తలు. ప్లాష్ బ్యాక్ లో ఓ పాత్ర, ప్రజెంట్ లో ఓ పాత్ర ఉంటుందని విశ్వసనీయ సమాచారం.