Posted: 01/20/2012 03:58 PM IST

భారతీయ కార్పొరేట్‌ రంగంలో ఎంతో ఆసక్తి రేకెత్తించిన వొడాఫోన్‌ కేసులో సుప్రీం కోర్టు తన తీర్పు వెలువరించింది. చీఫ్‌ జస్టిస్ ఎస్ హెచ్ కపాడియా నేతృత్వంలోని ముగ్గురు సభ్యుల ధర్మాసనం వొడాఫోన్‌కు అనుకూలంగా తీర్పు ఇచ్చింది. వొడాఫోన్‌ 11 వేల కోట్ల రూపాయల ట్యాక్స్‌ కట్టాల్సిన అవసరం లేదని సుప్రీం స్పష్టం చేసింది. అంతేకాకుండా ఇప్పటికే ట్యాక్స్‌ కోసం వసూలు చేసిన రూ. 2,500 కోట్ల రూపాయల్ని వడ్డీతో సహా తిరిగి చెల్లించాలని ఆదాయపు పన్ను శాఖను ఆదేశించింది. వొడాఫోన్‌ కంపెనీ ఇదివరకు హచ్‌సన్‌ అనే కంపెనీ చేతిలో ఉండేది. ఇవి రెండూ విదేశీ కంపెనీలు. హచ్‌సన్‌కు ఇండియా విభాగమైన హచ్‌సన్‌ ఎస్సార్‌ను బ్రిటన్‌కు చెందిన వొడాఫోన్‌ కొనుగోలు చేసింది. కంపెనీ పేరును వొడాఫోన్‌గా మార్చింది.ఇందులో హచ్‌కు భారీ పెట్టుబడి లాభం వచ్చింది. ఈ లాభంపై ట్యాక్స్‌ కట్టాలని ఆదాయపు పన్ను శాఖ నోటీసు ఇచ్చింది. హచ్‌ కొనుగోలు ఒప్పందం భారత ప్రభుత్వ ఆదాయపు పన్ను పరిధిలోకి రాదని పన్ను కట్టాల్సిన పని లేదని వొడాఫోన్‌ వాదిస్తూ వస్తోంది. సుప్రీం తీర్పుతో వొడాఫోన్‌ వాదన నిజమని తేలింది.