పురాతనకాలం నుంచి ప్రస్తుతకాలంతో సహా ఆయుర్వేదవైద్యంలో ఎంతో ముఖ్యపాత్ర పోషిస్తోంది ఈ ‘‘బాడీ మసాజ్’’. ఈ పద్ధతిని ఆరోగ్యానికి సంబంధించిన అనేకరకాల సమస్యలనుంచి ఉపశమనాన్ని ఇచ్చే ఆయుధంగా పేర్కొంటారు. ఇది కేవలం ఆయుర్వేదంలోనే కాదు... ప్రపంచంలో వున్న అన్ని వైద్యవిధానాలలో సమర్థవంతమైన చికిత్సగా దీనిని అంగీకరిస్తున్నారు. 

ఈ థెరపీలో ఉపయోగించే తైలాలతో మర్ధనం చేయడం ద్వారా.. శరీరానికి సంబంధించిన అనేక రకాల సమస్యలు, ఆరోగ్యానికి సంబంధించిన వ్యాధులు తొందరగా ఉపశమనం పొందుతాయి. అంతేకాదు.. శరీరంలో జరిగే రక్తప్రసరణ కూడా బాగా పెరుగుతుందని వైద్యులు కితాబిచ్చారు కూడా. గోరువెచ్చని నూనెతో ఈ బాడీమసాజ్ ను చేసుకుంటే... ఎన్నో అద్భుతమైన ప్రయోజనాలు కలుగుతాయి. 

బాడీ మసాజ్ వల్ల చర్మంలో రక్తప్రసరణ పెరగడమేగాక, చర్మాన్ని మృదువుగా వుంచుతుంది. శరీరానికి, మనస్సును ఉత్సాహంగా వుండేలా చేస్తుంది. వారానికి ఒక్కసారి చేసుకుంటే.. ఎంతో ఆహ్లాదకరంగా జీవనాన్ని సాగించవ్చునని నిపుణులు పేర్కొంటున్నారు. బాడీ మసాజ్ వల్ల శరీరాకృతి బాగా వుండడమే కాక, అందం కూడా లభిస్తుంది. 

బాడీ మసాజ్ కు సంబంధించి చాలారకాలైన తైలాలు మార్కెట్ లో లభ్యమవుతాయి. అందులో ముఖ్యంగా పరిమళ తైలాలు తీసుకుంటే చాలామంచిది. ఏవైనా తైలాలు తీసుకునే ముందు ఒకటికి రెండుసార్లు పరీక్షించి తీసుకోవాలి. అంతేగాని సువాసన వచ్చే తైలాలతో ఈ మసాజ్ చేసుకోవడం వల్ల ఎటువంటి ఉపయోగం వుండదు. పైగా చర్మవ్యాధులు వచ్చే అవకాశాలు కూడా వుంటాయి. 

బాడీ మసాజ్ లో ఉపయోగించే ముఖ్యమైన తైలాల గురించి ఇప్పుడు మనం తెలుసుకుందాం.....

ఆలివ్ ఆయిల్..... ఇది చర్మానికి తగినంత మోతాదులో తేమను అందిస్తుంది కాబట్టి చర్మం పొడిబారకుండా వుంటుంది. దీంతో చర్మం మృదువుగా తయారు అయి, శరీరంలో వున్న నొప్పులను నివారిస్తుంది. ఎంతో ఆహ్లాదకరాన్ని చేకూరుస్తుంది. 

బాదం ఆయిల్..... ఈ బాదం ఆయిల్ ప్యాచీ స్కిల్, డ్రై స్కిన్ నివారించడంలో ముఖ్యపాత్ర పోషిస్తుంది. ఇది అన్నిరకాల చర్మతత్వాలకు అనుగుణంగా పనిచేస్తుంది. 

మస్టర్డ్ ఆయిల్..... ఈ ఆయిల్ తో బాడీ మసాజ్ చేయడంవల్ల శరీరంలో వుండే కండరాలు బలోపేతం అవుతాయి. దీంతో కండరాలకు విశ్రాంతి కూడా కలుగుతుంది. 

అవకాడో ఆయిల్..... ఇందులో తక్కువ మోతాదులో ల్యావెండర్ ఆయిల్ ను కలిపి మసాజ్ చేస్తే.. చర్మం పొడిబారకుండా, చర్మ రంగును మారుస్తుంది. 

కొబ్బరి నూనె..... ఇది ప్రకృతిలో ఉపయోగించే అత్యంత సహజసిద్ధమైంది. దీంతో మసాజ్ చేయడం ద్వారా చర్మం చాలా మృదువుగా తయారవుతుంది. దీంతో చర్మరంధ్రాలలో ఎటువంటి కలుషితమైన వాయుపదార్థాలు చొరబడకుండా వుంటుంది. ప్రతిరోజు దీనిని ఉపయోగించడం వల్ల చర్మం ఎంతో ప్రకాశవంతంగా మెరుస్తుంది. 

క్యాస్ట్రో ఆయిల్..... ఇందులో వుండే యాంటీ ఏజింగ్ లక్షణాలు చర్మాన్ని మృదువుగా వుంచుతాయి. జుట్టుకు సంబంధించిన వ్యవహారాలలో కూడా ఇది ఎంతో ప్రయోజనాలను సమకూరుస్తుంది. 

జోజోబా ఆయిల్..... ఇందులో వుండే యాంటీ బాక్టీరియా గుణాలు.. చర్మం మీద వుండే మొటిమలు, మచ్చలను నివారించడంలో ఇది ముఖ్యపాత్రను వహిస్తుంది. ఇది కూడా చర్మాన్ని మృదువుగా వుంచుతుంది. 

గ్రేప్ ఆయిల్..... ఈ ఆయిల్ ను ఉపయోగించే మసాజ్ చేసుకోవడం ద్వారా చర్మం ఎంతో మృదువుగా, ప్రకాశవంతంగా, స్వచ్ఛంగా తయారవుతుంది. ఈ ఆయిల్ వల్ల ఎటువంటి ఎలెర్జీలు శరీరానికి అంటుకోవు. 

నువ్వుల నూనె..... ఆయుర్వేద విధానంలోనే ఇది ఎంతో ప్రముఖమైన ఆయిల్. ఇది అభిషేకం చేయడంలో ఎంతో ముఖ్యమైంది. నువ్వుల నూనెను ఒక బెస్ట్ బాడీ ఆయిల్ గా పేర్కొనబడుతుంది. 

సన్ ఫ్లవర్ ఆయిల్..... ఇందులో చర్మానికి అవసరమయ్యే పోషకాలయిన ‘‘ఫ్యాట్ యాసిడ్, లినోలిక్ యాసిడ్, ఫాల్మిటిక్ యాసిడ్, టియరిక్ యాసిడ్’’ వంటి వుంటాయి. దీంతో చర్మం ఎంతో ప్రకాశవంతంగా, మృదువుగా తయారవుతుంది. 

ఈ విధంగా బాడీ మసాజ్ లో ఉపయోగించే రకరకాల నూనెలు.. రకరకాల ప్రయోజనాలను సమకూరుస్తాయి.