TDP MLA Vallabaneni Vamsi likely to join BJP.? బీజేపి వైపు వల్లభనేని చూపు.? ఆ భేటీ అంతర్యం.?

Tdp mla vallabaneni vamsi likely to join bjp

AP Former Chief Minister, Nara Chandrababu Naidu, Vallabaneni Vamsi, Sujana Chowdary, defected mla, BJP, TDP MLA, Andhra Pradesh, Politics

Andhra Pradesh opposition party TDP president N.Chandrababu Naidu is lacking hold on his party men, as many of his party men are joining ruling party in the state of central. Now latest reports in political circles says that Vallabaneni Vamsi likely to join BJP after he met BJP MP Sujana Chowdary.

బీజేపి వైపు వల్లభనేని చూపు.? ఆ భేటీ అంతర్యం.?

Posted: 10/25/2019 02:33 PM IST
Tdp mla vallabaneni vamsi likely to join bjp

ఆంధ్రప్రదేశ్ రాష్ట్రంలోని ప్రతిపక్ష టీడీపీకి చెందిన సీనియర్ నాయకులు ఓటమి చవిచూడగానే.. తమకు రాజకీయ మనుగడను ప్రసాదించి.. రాజకీయ జీవితాన్ని అందించిన తెలుగు దేశం పార్టీని కాదని.. పక్క చూపులు చూస్తున్నారు. దీంతో వారిని నిలువరించడం కూడా పార్టీ అధినేతకు కష్టసాధ్యంగా మారిపోయింది. ఇప్పటికే అనేకమంది నేతలు పార్టీలు మారగా... మరికొందరు కూడా ఇదే ఆలోచనతో ఉన్నట్టు చాలాకాలంగా వార్తలు వినిపిస్తున్నాయి.

రాజకీయంగా నిలదొక్కుకునేందుకు పలు అవకతవకలకు పాల్పడిన నేతలకు ఇప్పుడు అధికార పార్టీ శరణాగతవాత్సల్యాన్ని అందిస్తూ.. అభయానిస్తోందన్న వార్తలు కూడా తెరపైకి వస్తున్నాయి. ఇన్నాళ్లు రాష్ట్రంలోని ప్రతిపక్ష పార్టీని తూర్పరబట్టిన పలువురు నేతలు ఎలాంటి జంకుబోంకు లేకుండా ఆ పార్టీలోకి వెళ్లి.. తాజాగా పదవులు కూడా పోందిన విషయం తెలిసిందే. అయితే ఇందుకు మొహమాటం అడ్డువచ్చిన నేతలు మాత్రం కేంద్రంలోని అధికార పార్టీ బీజేపి తీర్థం పుచ్చుకునేందుకు రెడీ అవుతున్నారు.

ఇందులో రెండు లాభాలున్నాయని వార్తలు కూడా వున్నాయి. బీజేపీ పార్టీ తీర్థం పుచ్చుకుంటే.. రాష్ట్రంలోని పార్టీ వారిపై అవకతవకలకు సంబంధించి ఎలాంటి కేసులు నమోదు చేయదని.. ఇక తమ వారే కాబట్టి కేంద్రం కూడా తమ గూటికి చెందిన పక్షిని రక్షించుకుంటుందన్న వార్తలు వినిపిస్తున్నాయి. ఈ క్రమంలో కేంద్రంలోని బీజేపి పార్టీ తమ పాలిట రక్షణ అవాసంగా మారిందని టాక్ కూడా వినిపిస్తోంది. ఇక ఇతర పార్టీల నేతలను తమ గూటికి రప్పించుకునేందుకు బీజేపీయే ఇలాంటి ప్రయత్నాలకు శ్రీకారం చుడుతుందన్న అరోపణలు వినబడుతున్నాయి.

ఈ క్రమంలో తాజాగా గన్నవరం టీడీపీ ఎమ్మెల్యే వల్లభనేని వంశీ కూడా ఇలాంటి వారి జాబితాలో చేరేందుకు సిద్దమవుతున్నారని వార్తలు తెరపైకి వస్తున్నాయి. టీడీపీ అధిష్టానంపై గుర్రుగా వున్న వంశీ పార్టీ మారేందుకు ప్రయత్నాలు చేస్తున్నారనే ఊహాగానాలు వినిపిస్తున్నాయి. ఓ కేసు విషయంలో ఉక్కిరిబిక్కిరి అవుతున్న వల్లభనేని వంశీ త్వరలోనే పార్టీ మారడం ఖాయమనే ప్రచారం సాగుతోంది. ఇలాంటి ఊహాగానాలు వినిపిస్తున్న తరుణంలో వల్లభనేని వంశీ... ఎంపీ సుజనా చౌదరిని కలవడం ప్రాధాన్యత సంతరించుకుంది.

టీడీపీ నుంచి బీజేపీలో చేరిన ఎంపీ సుజనా చౌదరికి ఎమ్మెల్యే వంశీకి మొదటి నుంచి సన్నిహిత సంబంధాలు ఉన్నాయి. ఈ కారణంగానే ఆయన ఎంపీ సుజనాను కలిశారని పలువురు భావిస్తుంటే... పార్టీ మారతారన్న ప్రచారం సాగుతున్న సమయంలో ఎంపీ సుజనాను వంశీ కలవడం రాజకీయంగా కలకలం రేపుతోంది. సుజనాను కలిసిన వంశీ... ఆయనతో కలిసి ఒకే కారులో ఒంగోలుకు వెళ్లడం ప్రాధాన్యత సంతరించుకుంది. మొత్తానికి టీడీపీ అధినాయకత్వంలో అంటీముట్టనట్టుగా వ్యవహరించే ఎమ్మెల్యే వల్లభనేని వంశీ... రాజకీయంగా ఎలాంటి నిర్ణయం తీసుకుంటారనే అంశం ఆసక్తికరంగా మారింది.

If you enjoyed this Post, Sign up for Newsletter

(And get your daily news straight to your inbox)

Rate This Article
(0 votes)
Tags : Chandrababu Naidu  Vallabaneni Vamsi  Sujana Chowdary  defected mla  BJP  TDP MLA  Andhra Pradesh  Politics  

Other Articles

Today on Telugu Wishesh