కొత్త ప్రపోజల్’కి మహేష్ గ్రీన్ సిగ్నల్..?

Posted: 02/13/2015 03:14 PM IST

టాలీవుడ్ ప్రిన్స్ మహేష్ బాబుకు కేవలం తెలుగు రాష్ట్రాల్లోనే కాదు.. టోటల్ ఇండియావైడ్ గా భారీ ఫ్యాన్ ఫాలోయింగ్ వున్న విషయం తెలిసిందే! అందుకే.. కొన్ని బాలీవుడ్ బ్రాండ్ లు కూడా ఇతని ఇమేజ్ ని క్యాచ్ చేసుకోవడం కోసం భారీ పారితోషికం ముట్టజెప్పి మరీ యాడ్స్ చేయించుకుంటున్నారు. అంతెందుకు.. హిందీలో డబ్ అయిన ఈ మూవీలు కూడా మాంచి రేటుకే అమ్ముడుపోతున్నాయి. పైగా.. సదరు ఛానెల్ టీఆర్పీ రేటింగ్స్ కూడా బాగానే వస్తాయి. ఇంతటి ఫాలోయింగ్ వుంది కాబట్టి.. తెలుగు ఇండస్ట్రీ స్టార్ హీరోల్లో ఒకడిగా చెలామణి అవుతున్నాడు.

ఇక మేటర్ లోకి వస్తే.. ఇటీవలే మహేష్ కి ఓ ప్రపోజల్ వచ్చింది. అదేమిటంటే.. తెలంగాణ ప్రభుత్వం మహేష్ ని హైదరాబాద్ బ్రాండ్ అంబాసిడర్ గా నియమించాలని ఓ నిర్ణయం తీసుకుంది. అయితే.. ఈ రేసులో నితిన్ కూడా వున్నాడు కానీ.. ప్రభుత్వం మాత్రం మహేష్ వైపే ఎక్కువ మొగ్గు చూపుతోంది. మహేష్ ని హైదరాబాద్ బ్రాండ్ అంబాసిడర్ గా నియమిస్తే నగరానికి ప్రపంచవ్యాప్తంగా మాంచి గుర్తింపు లభిస్తుందనే ఉద్దేశంతో ఈ నిర్ణయానికి వచ్చిందని సమాచారం! ఇంతవరకు బాగానే వుంది కానీ.. మహేష్ ఈ ప్రపోజల్ కి గ్రీన్ సిగ్నల్ ఇస్తాడా..? లేదా..? అన్నదే ఆసక్తికరంగా మారింది.

నిజానికి మహేష్ ఆంధ్రప్రాంతానికి చెందినవాడు. పైగా.. పొలిటికల్ విషయాలకు చాలా దూరంగా వుంటాడు. అటువంటి స్టార్ ఇప్పుడు టీఆర్ఎస్ ప్రభుత్వం ఇచ్చిన ఆఫర్ ని అంగీకరిస్తాడా..? లేదా..? అని సందేహాలు వ్యక్తమవుతున్నాయి. ఒకవేళ అంగీకరిస్తే.. ఇతను కూడా దాదాపు పాలిటిక్స్ లోకి ఎంట్రీ ఇచ్చినట్లే! మరి.. ఆయన అభిప్రాయం ఎలా వుంటుందో తెలియదుగానీ.. సీఎం కేసీఆర్ - కృష్ణల మధ్య మంచి సన్నిహిత సంబంధాలు వున్నాయి కాబట్టి.. ప్రిన్స్ ఈ ప్రపోజల్ ని ఒప్పుకునే ఛాన్సెస్ చాలావరకు వున్నాయని సినీ, రాజకీయ విశ్లేషకులు తమ మనసులోని భావాలను వ్యక్తపరుస్తున్నారు.

తెలంగాణ ప్రత్యేక రాష్ట్రం ఏర్పడిన తర్వాత సూపర్ స్టార్ కృష్ణ ఆ మధ్య కేసీఆర్ పై పొగడ్తల వర్షం కురిపించారు. ఆ నేపథ్యంలో కేసీఆర్ కూడా ఆయనపై తనదైన శైలిలో ప్రశంసలు చేశారు. కాలక్రమంలో వీరి సాన్నిహిత్యం మరింతగా పెరుగుతున్న కారణంగా మహేష్ ‘బ్రాండ్’గా మారే అవకాశాలున్నాయని వార్తలొస్తున్నాయి.