ఆమ్ ఆద్మీ పార్టీ విదేశీ విరాళాల పై కాంగ్రెస్ ఆరా ?

Posted: 12/27/2013 03:12 PM IST

ఎన్నో ఏళ్ళ చరిత్ర కలిగిన కాంగ్రెస్ పార్టీకి ఆది నుండి ఉణ్న కుటిల బుద్ధిని మరోసారి బయట పెట్టుకోనుందా ? అంటే ఢిల్లీలో జరుగుతున్న కొన్ని పరిణామాలు అవుననే అంటున్నాయి. తన ముందు ఏ పార్టీ వారు ఎదిగిన ఓర్వలేని కాంగ్రెస్ పార్టీ ఇటీవలే ఒకసామాన్య పార్టీగా ఏర్పడి, అధికార, ప్రతిపక్ష పార్టీ నేతల్ని చీపురుతో ఊడ్చేసి దేశ రాజకీయాల్లో కొత్త కోణాన్ని ఆవిష్కరించిన ఆమ్ ఆద్మీ పార్టీ రేపు ఢిల్లీ పీఠాన్ని అధిష్టించబోతున్న విషయం తెలిసిందే.

దీంతో కాంగ్రెస్ కళ్ళు చిటుక్కుమన్నట్లున్నాయి. తన కళ్ళ ముందే ఏర్పడి, తమనే మట్టి కరిపించి గద్దె ఎక్కబోతున్న ఆమ్‌ఆద్మీ పార్టీకి విదేశాలనుంచి నిధులు వచ్చాయి ? ఎంత వచ్చాయి ? అందులో ఉన్న లోపాలు ఏంటి ?  అనే విషయాలను పరిగణలోకి తీసుకొని వాటిని నిధుల సేకరణ అంశానికి ముడిపెట్టి ఆమ్‌ఆద్మీ పార్టీని సాధ్యమైనంత మేరకు కష్టాల్లోకి నెట్లాలనే ప్రయత్నం తీవ్రస్థాయిలో జరుగుతున్నట్లు సమాచారం.

ఆప్‌కు విరాళాల రూపంలో అందిన విదేశీ నిధులపై తాజాగా కేంద్ర హోంశాఖ దర్యాప్తు చేస్తున్నట్లుగా వార్తలు వస్తున్నాయి. అతి పెద్ద జాతీయ పార్టీ అయిన కాంగ్రెస్ ని ఎన్నికల సంఘం ఎన్ని నిధులు వచ్చాయి ? ఎక్కడెక్కడి నుండి వచ్చాయో లెక్కలు చెప్పమంటే తప్పించుకునే వరుసలో ముందుండే కాంగ్రెస్ ఇప్పుడు ‘ఆమ్ ఆద్మీ ’ పార్టీకి స్వచ్చంధంగా ప్రజలు ముందుకు వచ్చి ఇచ్చిన విరాళాల పై కాంగ్రెస్ ఆరా తీయడం ఏం బాగో లేదని అంటున్నారు జనం.