భాస్కర శతకము

Posted: 03/27/2014 10:49 AM IST

అంగన నమ్మరాదు తన యంకెకు రాని మహాబలాఢ్యు వే 

భంగుల మాయలొడ్డి చెఱుపం దలపెట్టు ! వివేకియైన సా 

రంగధురం ఒదంబులు కరంబులు గోయఁగజేసెఁ దొల్లి చి 

త్రాంగి యనేకముల్ నుడువరాని కుయుక్తులు పన్ని భాస్కరా !

టీ.కా : తన యంకెకున్ = తన స్వాధీనంకు; రాని = ఇష్టపడని; మహాబలాఢ్యున్ = గొప్ప బలవంతుడిని; వేభంగులన్ = వేయి విధాలుగా; మాయలు = కపటములు; ఒడ్డి = ఏర్పరచి; చెఱుపన్ = చెడగొట్టుటకు; తలపెట్టున్ = యోచించును; అనేకముల్ = అనేకం, పెక్కు; కుయుక్తులు = మోసాలు; పన్ని = ఏర్పరచి; వివేకియైన = పండితుడైన; పదంబులు - కరంబులు = కాళ్లు - చేతులు; కోయగజేసే = కోయించడం; అంగనన్ = స్త్రీ; నమ్మరాదు = విశ్వసించరాదు

తాత్పర్యము: పూర్వం చిత్రాంగి అనే స్త్రీ.. తనకు సారంగధరుడు లోబడలేదని చెప్పరాని మాయమాటలతో అందరిని నమ్మబలికించి.. అతని కాళ్లు, చేతులు కోయించింది. అందువల్ల స్త్రీ ఎంత మనోబలమైనవానిని కూడా తన కుయుక్తులతో చెడగొట్టే ప్రయత్నం చేస్తుంది కాబట్టి.. స్త్రీని ఎట్టి పరిస్థితుల్లోను, ఎన్నటికి విశ్వసించరాదు.