పవన్ కు ఆ సమయం వచ్చింది : శివాజీ

Posted: 08/11/2015 02:21 PM IST

జనసేనాధిపతి పవన్ కల్యాణ్ సార్వత్రిక ఎన్నికల నేపథ్యంలో ‘అన్యాయం జరిగితే ప్రశ్నించడానికి తాను ముందుంటాన’నని ప్రకటించారు. అయితే.. ప్రస్తుతం రాష్ట్రంలో ఏర్పడిన ఆందోళన పరిస్థితుల్లో పవన్ ప్రజల్లోకి రాకుండా ట్విటర్ వేదికగా తన అభిప్రాయాలను వెల్లడించడంపై ప్రజలతోపాటు కొందరు నేతలు కూడా ఆయనపై ఆగ్రహం వ్యక్తం చేస్తున్నారు. బీజేపీ-టీడీపీ కూటమికి మద్దతుగా ప్రచారం చేసిన పవన్.. ఇప్పుడు రాష్ట్రంలో అన్యాయం జరుగుతుంటే ఆ పార్టీలకు వ్యతిరేకంగా ఎందుకు పోరాడటం లేదంటూ మండిపడుతున్నారు. ఈ క్రమంలోనే తాజాగా పవన్ పై మాలమహానాడు నేత కారెం శివాజీ మండిపడ్డారు.

ప్రత్యోక హోదాకోసం బీజేపీకి వ్యతిరేకంగా పవన్ పోరాడాలని, ఆ సమయం ఇప్పుడు వచ్చిందని శివాజీ అన్నారు. కేవలం ట్విటర్ లో కాకుండా ప్రత్యక్షంగా ప్రజల్లోకి వచ్చి పోరాటం చేయాలని సూచించారు. అసలు పవన్ ఉద్దేశం ఏంటో తెలియక ప్రజలు అయోమయంలో వున్నారని శివాజీ వ్యాఖ్యానించారు. అన్యాయం జరిగితే ప్రశ్నిస్తానని ఆనాడు పేర్కొన్న పవన్.. ఇప్పుడెందుకు మౌనంగా వున్నారో సమాధానమివ్వాల్సిందేనని ఆయన కోరారు. మరి.. ఈయన వ్యాఖ్యలపై జనసేన పార్టీ వర్గాలు ఏ విధంగా స్పందిస్తాయో, పవన్ సమాధానమేంటో తెలియాలంటే వేచి చూడాల్సిందే!