చంద్రబాబు ఓ మహిళా ద్రోహి : రోజా

Posted: 03/10/2015 03:04 PM IST

ఒకప్పుడు తెలుగుదేశం పార్టీ కండువా కప్పుకుని చంద్రబాబుకు జైకొట్టిన సినీ నటి రోజా.. మాజీ ముఖ్యమంత్రి వైఎస్ మరణానంతరం వైఎస్సార్ కాంగ్రెస్ పార్టీలో చేరిన విషయం తెలిసిందే! ఆ పార్టీలో చేరినప్పటి నుంచి ఈమె టీడీపీపై విమర్శలు చేయడం, ఆరోపణలు గుప్పించడం చేస్తూనే వచ్చారు. ఇక మొన్నజరిగిన సార్వత్రిక ఎన్నికల్లో వైకాపా తరఫున నగరి నియోజకవర్గం నుంచి పోటీ చేసి, గెలుపొందారు. గతకొన్నాళ్ల నుంచి రాజకీయ వ్యవహారాలకు దూరంగా వుంటున్న ఈమె.. తాజాగా సీఎం చంద్రబాబుపై, టీడీపీపై దండయాత్ర చేశారు. అసెంబ్లీ మీడియా పాయింట్ వద్ద మాట్లాడిన రోజా.. క్రింది విధంగా బాబుపై నిప్పులు చెరిగారు.

* చంద్రబాబు నాయుడు ఓ మహిళాద్రోహి అని రోజా విమర్శించారు.
* రాష్ట్రంలో మహిళా వ్యతిరేక ప్రభుత్వం నడుస్తోందని ఆరోపించారు.
* డ్వాక్రా మహిళలకు డబ్బులిచ్చిమరీ సమావేశాలకు తీసుకొచ్చే బాబు.. ఇప్పుడు అధికారంలోకి వచ్చాక వారిని మర్చిపోయారని అన్నారు.
* ‘ఏరు దాటకముందు ఏటి మల్లన్న.. ఏరు దాటాక ఓటి మల్లన్న’ అన్న రీతిలో బాబు వ్యవహరిస్తున్నారని మండిపడ్డారు.
* డ్వాక్రా రుణమాఫి అంశంపై సభలో చర్చించే ధైర్యం టీడీపీకి లేదని అన్నారు.