‘సొంతమొక్కుల కోసం పక్కవాడి తలనీలాలు ఎలా వాడతావ్’?

Posted: 02/26/2015 03:57 PM IST

ఇటీవలే తెలంగాణ రాష్ట్ర ముఖ్యమంత్రి కేసీఆర్ తన మొక్కులకోసం ప్రభుత్వం నుంచి దాదాపు రూ.5 కోట్ల మేర నిధులు విడుదల చేయడం జరిగింది. ఇప్పుడు ఈ వ్యవహారం కాస్త వివాదాస్పదంగా మారినట్లు తెలుస్తోంది. తన సొంతమొక్కుల కోసం ప్రజాధనాన్ని ఎలా ఉపయోగిస్తారంటూ కొంతమంది మంత్రులు కేసీఆర్ పై విరుచుకుపడుతున్నారు. ఈ నేపథ్యంలోనే మాజీ మంత్రి డీకె అరుణ మీడియా సమావేశంలో మాట్లాడుతూ కేసీఆర్ పై మండిపడ్డారు.

* కేసీఆర్ వ్యక్తిగతంగా దేవుడికి మొక్కులు మొక్కుకొని, వాటిని తీర్చేందుకు ప్రజాధనాన్ని వినియోగిస్తున్నారని అరుణ ఆరోపించారు.
* అసలు దేవుడి మొక్కలకు ప్రజాధనాన్ని ఎలా ఖర్చుపెడతారంటూ ఆమె ప్రశ్నించారు.
* కేసీఆర్ వ్యవహారశైలి చూస్తుంటే.. సొంతమొక్కుల కోసం పక్కవాడి తలనీలాలు సమర్పించినట్లు వుందని ఎద్దేవా చేశారు.
* వివిధరకాల పన్నుల రూపంలో ప్రజలు చెల్లించే ధనాన్ని కేసీఆర్ సొంత మొక్కులకు వాడుతుంటే చూస్తూ ఊరుకోబోమని హెచ్చరించారు.
* దేవుళ్ల మధ్య కూడా కేసీఆర్ తారతమ్యాలు చూపుతున్నారని ఆమె విమర్శించారు.