రుణమాఫీ చేశాం-చేస్తాం : బాబు

Posted: 02/11/2015 07:38 PM IST

సార్వత్రిక ఎన్నికల నేపథ్యంలో రైతు రుణాలు మాఫీ చేస్తామంటూ సీఎం చంద్రబాబు వాగ్దానాలు చేసిన విషయం విదితమే! అయితే ప్రభుత్వం ఏర్పడిన తర్వాత చాలాకాలం వరకు రుణాలపై క్లారిటీ ఇవ్వలేదు. తద్వారా ఆ పార్టీపై తీవ్ర విమర్శలు వెల్లువెత్తాయి. అయితే.. పండుగ సందర్భంగా రుణాల జాబితాలో వున్న రైతులకు వాటిని మాఫీ చేశారు.

అయితే.. ఇందుకు ఈ పార్టీకి రిజర్వ్ బ్యాంక్ నుంచి కానీ, ప్రభుత్వం నుంచి కానీ ఎటువంటి ఆర్థిక సహాయాన్ని అందించలేదు. రుణాలు కొన్ని వేల కోట్ల వున్న నేపథ్యంలో ఆర్.బీ.ఐ, కేంద్రం చేతులెత్తేసినా.. బాబు మాత్రం జంకకుండా తానిచ్చిన మాటప్రకారం వాటిని తీర్చడంలో సక్సెస్ అయ్యారు. ఈ విషయంపై ఆయన తాజాగా మరోసారి క్లారిటీ ఇచ్చారు. విజయనగరం జిల్లా చీపురుపిల్లలో ఏర్పాటు చేసిన బహిరంగ సభలో రుణమాఫీ ప్రస్తావన తీసుకొచ్చారు.

* రైతు రుణమాఫీకి కేంద్రం తోడ్పాటుగానీ, రిజర్వ్ బ్యాంక్ కూడా అంగీకరించలేదు. అయితే తామిచ్చిన మాటప్రకారం కట్టుబడి రుణమాఫీ చేశామన్నారు.
* రైతులకు న్యాయం జరగాలన్నదే తమ ఆకాంక్ష అని స్పష్టం చేసిన బాబు.. త్వరలో డ్వాక్రా సంఘాల రుణాలు కూడా మాఫీ చేస్తామని హామీ ఇచ్చారు.
* కుటుంబంలో అందరికీ సెల్ ఫోన్లు వున్న ఈ రోజుల్లో ఓ మరుగుదొడ్డి లేకపోవడం బాధాకరమన్న బాబు.. వందరోజుల్లో లక్ష మరుగుదొడ్లు నిర్మిస్తామన్నారు.
* జూన్ నాటికి అన్ని స్కూళ్లలోనూ మరుగుదొడ్ల నిర్మాణం పూర్తి చేస్తామని అన్న ఆయన.. ఆ పనులను త్వరగా నిర్వర్తించాలని అధికారులను ఆదేశించారు.