నాకు వ్యభిచారం రాదు

Posted: 10/09/2014 04:36 PM IST

టీడీపీ నేత ఎర్రబెల్లి దయాకర్ రావు ఒక్కసారిగా తనలోని కోపంను బయట పెట్టారు. టీఆర్ఎస్ లో చేరకుండా అడ్డుకుంటున్న కడియం శ్రీహరిపై ఎర్రబెల్లి మండిపోయారు. కడియం టార్గెట్ గా గురువారం రోజు ఎర్రబెల్లి మీడియా సమావేశంలో మాట్లాడారు. తన ప్రాణం పోయే దాకా టీడీపీని వీడనని స్పష్టం చేశారు. చివరి వరకు టీడీపీలోనే ఉంటానని చెప్పారు. కడియం శ్రీహరిలా పార్టీలు మార్చి.., రాజకీయ వ్యభిచారం చేయటం తనకు చేతకాదని విమర్శించారు. అటు పనిలో పనిగా టీఆర్ఎస్ పై కూడా విమర్శలు చేశారు.

ఎర్రబెల్లి కామెంట్లు క్లుప్తంగా...

* ప్రాణం పోయే వరకు టీడీపీలోనే కొనసాగుతా.

* ఎమ్మెల్యేలను మభ్యపెట్టి టీఆర్ఎస్ లోకి చేర్చుకుంటున్నారు.

* కడియం శ్రీహరిలా నేను పార్టీలు మార్చే రాజకీయ వ్యభిచారిని కాదు.

* తలసాని శ్రీనివాస్ యాదవ్, తీగల కృష్ణారెడ్డి పార్టీ మారటం నాకు తెలియదు.

* బహుశా ప్రజా సమస్యల పరిష్కారం కోసం ఎమ్మెల్యేలు కేసీఆర్ ను కలిసి ఉండవచ్చు.

* టీడీపీని వీడాలన్న ఉద్దేశ్యం నాకు లేదు.., టీఆర్ఎస్ లో చేరాలన్న ఆలోచన అంతకంటే లేదు.

కార్తిక్