తెలంగాణలో జెండా పాతెంగే !

Posted: 10/08/2014 06:02 PM IST

వైఎస్సార్ కాంగ్రెస్ తెలంగాణలో కనుమరుగవుతుందని ప్రచారం జరుగుతుండగా.., అంత లేదు అంటూ పార్టీ అద్యక్షుడు జగన్ ప్రకటించారు. బుధవారం రోజు అత్తాపూర్ లోని క్రిస్టల్ గార్డెన్స్ లో జరిగిన పార్టీ విస్తృతస్థాయి సమావేశంలో భవిష్యత్ కార్యాచరణ ప్రకటించారు. తెలంగాణ రాష్ర్ట వైసీపీ అధ్యక్షుడుగా ఖమ్మం ఎంపి పొంగులేటి శ్రీనివాస్ రెడ్డిని ప్రకటించారు. పొంగులేటితో పాటు షర్మిల కూడా కొత్త రాష్ర్టంను చూసుకుంటారని చెప్పారు. ప్రస్తుతం అంటే పరిస్థితి ఇలా ఉంది కానీ.., 2019నాటికి పూర్తిగా మార్పులు జరగటం ఖాయమన్నారు. 2019 వరకు పార్టీ బలోపేతమై తెలంగాణలో అధికారంలోకి తమ పార్టీ వస్తుంది అని వైసీపీ అధినేత ధీమాగా ప్రకటించారు.

సమావేశంలో జగన్ ఏమన్నారంటే.....

* తెలంగాణలో వైఎస్సార్ కాంగ్రెస్ కొనసాగుతుంది.
* 2019లో తెలంగాణలో వైసీపి అధికారంలోకి వస్తుంది.
* తెలంగాణలో ప్రజా సమస్యల పోరాటంపై ముందుంటాము.
* వైఎస్ కలలుగన్న స్వర్ణయుగం కలిసి పనిచేసి సాధించుకుందాం.
* పొంగులేటికి సోదరి షర్మిల సహకరిస్తూ తెలంగాణ వ్యవహారాలు చూస్తారు.
* వైఎస్ కోసం తెలంగాణలో మళ్ళీ ప్రాణాలు కోల్పోయిన వారి కోసం ఓదార్పుయాత్ర
* తెలంగాణలో ఓదార్పు యాత్రలో షర్మిల పాల్గొని బాధిత కుటుంబాలను ఓదారుస్తుంది.
* తెలంగాణలో వైఎస్సార్ కాంగ్రెస్ జెండా ఎగిరే రోజు త్వరలోనే తప్పక వస్తుందని నమ్మకం

కార్తిక్