బిల్లుకు నేను పూర్తి వ్యతిరేకం : కిరణ్

Posted: 01/22/2014 09:31 PM IST

రాష్ట్ర విభజన బిల్లు పై ముఖ్యమంత్రి కిరణ్ కుమార్ రెడ్డి అసెంబ్లీలో మాట్లాడుతూ... తాను విభజన బిల్లును వ్యతిరేకిస్తున్నానని, నేను కాంగ్రెస్ పార్టీ వల్ల, సోనియా గాంధీ దయతో ముఖ్యమంత్రి పీఠం అధిష్టించినా కాంగ్రెస్ పార్టీ తీసుకున్న నిర్ణయం పై నేను సముఖంగా లేనని చెప్పుకొచ్చాడు. తెలుగు జాతికి మేలు కోసమే దీనిని వ్యతిరేకిస్తున్నట్లు, అన్ని వర్గాల మేలు కోసమే విశాలాంధ్ర ఏర్పడిందని చెప్పారు.

పార్లమెంట్‌లో ఇందిరా గాంధీ ప్రసంగాన్ని ముఖ్యమంత్రి  ప్రస్తావించారు. మన రాష్ట్రం గురించి ఇందిర స్పష్టంగా మాట్లాడారని చెప్పారు. ముల్కీ,14 ఎఫ్‌లను బలవంతంగా తొలగించారన్నారు. ఏ ప్రాంతంలో ఉన్నా తెలుగు వారందరూ కలిసి ఉండాలన్న ఆకాంక్షను ఆయన వ్యక్తం చేశారు. వెనుకబాటు తనాన్ని చూపి విభజన ఇందిరా గాంధీ వద్దన్నారని చెప్పారు. నాటి ఇందిర ప్రసంగం ఇప్పుడు ఎంతో అవసరం అన్నారు. విభజన ఏ మాత్రం పరిష్కారం కాదని ఆమె చెప్పినట్లు తెలిపారు.