వైకాపా... దోపిడీదారుల అడ్డా

Posted: 01/18/2014 01:44 PM IST

వైఎస్ జగన్మోహన రెడ్డి మేనమామ పెద్ద భూకబ్జాదాడని, ఇటీవల వైకాపా నేతలు చిత్తూరు జిల్లాలో ఎర్ర చందనం అక్రమంతా తరలిస్తూ పట్టుబడ్డారని ఆపార్టీ అవినీతి పరులు, దోపిడీ దారుల పార్టీ అని నారా లోకేష్ ఆగ్రహం వ్యక్తం చేశారు. ఎన్ టి ఆర్ వర్థంతి సందర్భంగా లోకేష్ పార్టీ కార్యాలయంలోని  ఎన్ టిఆర్ విగ్రహం ముందు నివాళులు  అర్పించారు.

ర్యాలీగా అక్కడికి తరలి వచ్చిన సాఫ్ట్ వేర్ ఉద్యోగులు, తెలుగు దేశం వర్గీయులతో ఆయన ముచ్చటించారు. ఈ సందర్భంగా లోకేష్ వైకాపా పై నిప్పులు చెరిగారు. అది దోపిడీ దారుల నిలయమన్నారు. ఇదే విధంగా లోకేష్ గతంలోనూ జగన్ పై అనేక ఆరోపణలు చేశారు.

ఆపార్టీకి ప్రజల్లో విశ్వసనీయత  లేదని, అవినీతి కుంభకోణాల్లో మునిగిపోయిన వారంతా ఆ ఫార్టీలో  చేరారని విమర్శించారు. ఇదే విధంగా గతంలోనూ లోకేష్ కరీంనగర్ జిల్లా జగిత్యాలలో మాట్లాడుతూ  టిడిపికి పత్రిక, టివి చానల్ లేవని అవి ఉంటే మనంకూడా జైల్లో ఉండేవారమని పరోక్షంగా జగన ను ఉద్దేశించి వ్యాఖ్యానించారు.