ఇది చివరిది కాదు : అజాద్

Posted: 12/03/2013 08:36 PM IST

తెలంగాణ పై ఈరోజు గులాం నబీ ఆజాద్ మీడియాతో మాట్లాడారు.

* ఈ బృందానికి ఇదే చివరి సమావేశమని అందరూ భావిస్తుండగా, కాదని గులాం నబీ ఆజాద్ సమావేశం ముగిసిన పది నిమిషాలకు మీడియాకు తెలిపారు.

* అసలే సమయం తక్కువ ఉంది, ఈరోజే తెలంగాణాపై మంత్రుల సమావేశం చిట్టచివరి సమావేశం అనుకున్నారు. కాని మళ్లీ రేపు కూడా మరో సమావేశం జరగవచ్చునని ఆజాద్ వెల్లడించడంతో రేపు ఏం జరగబోతోందని అందరిలోనూ ఉత్కంఠ నెలకొన్నది.

* ఈరోజు సమావేశానికి సుశీల్ కుమార్ షిండేసహా ఇంకా నారాయణ స్వామి, జై రాం రమేశ్, చిదంబరం, ఆంటొనీ, దిగ్విజయ్ సింగ్, మొయిలీ, గులాం నబీ ఆజాద్ హాజరయ్యారు.

* తెలంగాణాకు సంబంధించిన ముసాయిదా సిద్ధం కావడంతో ఇక దానిపై అందరూ సంతకాలు చేయడంతో ఈ సమావేశం ముగుస్తుందని భావించారు.

* ఇక రేపు ఉదయం ప్రధాని డాక్టర్ మన్‌మోహన్ సింగ్‌కు ఈ ముసాయిదాను అందజేయడమే తరువాయి అని భావిస్తున్న తరుణంలో రేపు మళ్లీ జీఓఎం సమావేశం జరగవచ్చునని ఆజాద్ చెప్పడంతో ఇది మళ్లీ వాయిదా పడేటట్టు కనిపిస్తున్నది.

* తెలంగాణవాదులు ఏం కోరితో అది అడిగినదే తడవుగా చేస్తున్నారు గాని మా గోడు వినిపించుకోరేమని కేంద్ర మంత్రి పల్లం రాజు ఒక లేఖ రాయడంతో కేంద్ర మంత్రుల బృందం సీమాంధ్రకు చెందిన కేంద్ర మంత్రులకు తమ గోడు వినిపించుకోవడానికి ఒక అవకాశం ఇవ్వాలనుకున్నది.

* ఉరి వేసే ముందు సైతం నేరస్థునికి తన చివరి కోరిక చెప్పుకునే అవకాశం ఇస్తారు, మాకు ఆమాత్రం ఇవ్వరా అని పల్లంరాజు తమ లేఖలో ప్రశ్నించడంతో ఈ అవకాశం కల్పించారు.