చంద్రబాబు దీక్షను భగ్నం చేసిన పోలీసులు

Posted: 10/11/2013 05:04 PM IST

64 ఏళ్ల చంద్రుడు సమైక్యాంద్ర కోసం ఢిల్లీలో ఆమరణ దీక్ష చేస్తున్న విషయం తెలిసిందే. అయితే చంద్రబాబు ఆరోగ్య రీత్య అందరు ఆందోళన చెందుతున్నారు. చంద్రబాబు దీక్ష నేటికి ఐదవ రోజుకు చేరుకుంది. ఐదు రోజులుగా ఏపీ భవన్‌లో నిరవధిక నిరాహార దీక్ష చేపట్టిన టీడీపీ అధ్యక్షుడు చంద్రబాబు నాయుడు దీక్షను ఢిల్లీ పోలీసులు ఈరోజు సాయంత్రం భగ్నం చేసి సమీపంలో ఉన్న రామ్ మనోహర్ లోహియా ఆస్పత్రికి అంబులెన్స్‌లో తరలించారు. బాబు ఆరోగ్యం క్రమీణ క్షీణిస్తున్నందున ఈ నిర్ణయం తీసుకున్నట్లు పోలీస్ ఉన్నతాధికారులు తెలియజేశారు. అయితే దీక్షను బగ్నం చేసేందుకు ఏపీ భవన్‌కు వచ్చిన పోలీసులను టిడిపి అభిమానులు, కార్యకర్తలు అడ్డుకున్నారు. అంబులెన్స్‌ను ముందుకు పోనివ్వకుండా మహిళా కార్యకర్తలు అడ్డం పడ్డారు.

 

ఈ నేపథ్యంలో పోలీసులు, కార్యకర్తల మధ్య తోపులాట చోటుచేసుకుంది. పోలీసులు కార్యకర్తలను చెల్లాచెదురు చేసి చంద్రబాబును అసుపత్రికి తరలించారు. చంద్రబాబు నాయుడు దీక్షను భగ్నం చేసేందుకు ఈరోజు ఉదయం నుంచి పోలీసులు సిద్ధం చేశారు. ఎలా భగ్నం చేయాలన్నదానిపై తర్జన భర్జలు పడిన తర్వాత ఈ సాయంత్రం భారీ పోలీసుల మధ్య దీక్షను భగ్నం చేసి ఆస్పత్రికి తరలించారు. ఈ కార్యక్రమంలో ఢిల్లీ పోలీసులు, ఏపీ భవన్ పోలీసులు పాల్గొన్నారు. ఏపీ భవన్ చుట్టుప్రక్కల రోడ్లను పోలీసులు దిగ్బంధం చేశారు. బాబు దీక్షను భగ్నం చేయడంతో టీడీపీ కార్యకర్తలు ఆగ్రహం వ్యక్తం చేస్తూ సోనియాగాంధీ ప్లెక్సీలను చింపివేశారు.