బాలీవుడ్ లో చరణ్ కి మరో బంపర్ ఆఫర్

Posted: 09/27/2013 09:14 AM IST

రామ్ చరణ్ తొలిసారిగా హిందీలో నటించిన ‘జంజీర్ ’ సినిమా భారీ డిజాస్టర్ కావడంతో ఎంత డిప్రెషన్ లో మునిగి పోయాయి. హిందీలో ఎంట్రీ ఇచ్చిన సినిమా ఇంత భారీ ప్లాపును సొంతం చేసుకోవడంతో ఇక రామ్ చరణ్ కి హిందీలో అవకాశాలు రావని అంతా అనుకున్నారు. ఇటు చరణ్ కూడా తెలుగులో నటించిన సినిమాలు విడుదల కాకుండా, అటు విడుదల అయిన చిత్రం ప్లాప్ టాక్ తో ఉన్న చరణ్ కి కాస్త ఊరట. కాస్తంటే కాస్త కాదు... ఈ బాధలు అన్నీ మరచిపోయేంత . బాలీవుడ్ లో లగాన్, జోదా అక్బర్ లాంటి చిత్రాలు తీసి ఇండస్ట్రీలో మంచి దర్శకుడిగా పేరు తెచ్చుకున్న అషుతోష్ గోవార్కర్ తో నటించే ఛాన్స్ కొట్టేసినట్లు ఫిలింనగర్ వర్గాల సమాచారం. ఈ సినిమాను కూడా ‘లగాన్ ’ లాగా చారిత్రక నేపధ్యం ఉన్న సినిమానేనట.  ప్రస్తుతం ఈ సినిమాకు సంబంధించిన స్క్రిప్టు వర్క్ జరుగుతోందట. అషుతోష్ చరణ్ కి కథ వినిపించినప్పుడే పిచ్చపిచ్చగా నచ్చేసిందట. దీంతో మరో మాట లేకుండా గ్రీస్ సిగ్నల్ ఇచ్చాడట. అవసరమైతే ఈ సినిమాకు చరణే నిర్మాతగా ఉంటానని కూడా చెప్పాడట. జంజీర్ ప్లాప్ తరువాత కరణ్ జోహార్ సినిమాను రిజెక్ట్ చేసిన చరణ్ ఇప్పుడు దాని మీద కూడా మనస్సు పెట్టాడట. చరణ్ క్రేజ్ కి బాలీవుడ్ అవకాశాలు రావడానికి ప్లాపులు అడ్డంకావని చెప్పడానికి ఇదే నిదర్శనం అంటున్నారు.