ఎస్ఆర్ఎస్ పార్టీ ఎవరి కోసం ?

Posted: 09/11/2013 02:26 PM IST

రాష్ట్రంలో రాజకీయ నాయకుల కంటే.. రాజకీయ పార్టీల సంఖ్య పెరిగిపోతుంది. రోజుకోక రాజకీయ పార్టీ తెరపైకి వస్తున్నాయి. పుట్టగొడుగుల్లా పుట్టుకొస్తున్న పార్టీలు .. నీటి మీద బుడగలా.. కనిపించి వెంటనే మాయం అవుతున్నాయి. పిల్ల పార్టీలు పుడుతునే ఉన్నాయి. తల్లి పార్టీ మాత్రం పిల్ల పార్టీలను కలిపేసుకుంటుంది. అయితే ఈ పార్టీల ఎందుకు పుట్టుకొస్తున్నాయో, ఎవరి కోసం పుట్టుకొస్తున్నాయో? ఈ పార్టీ వల్ల ఎవరికి లాభం ఉంటుందో? మాత్రం ఎవ్వరికి తెలియదు. తెల్లవారితే.. ఒక కొత్త పార్టీ పుడుతున్న రోజులివి. ఇలా పుట్టే పార్టీ వెనుక ఏ రాజకీయ నాయకుడు హస్తం ఉందో తెలియదు గానీ, ఇలాంటి పార్టీల వల్ల ప్రజలకు ఉపయోగం లేదనే విషయం అర్థమవుతుంది. ఇప్పటికే ఉన్న పార్టీలు, నాయకులతో ప్రజలు నలిగిపోతున్న సమయంలో .. మరో కొత్త పార్టీ అంటే దాని పై అనేక అనుమానాలు రేకేత్తున్నాయి. సీమాంధ్రలో మరో కొత్త రాజకీయ పార్టీ పుట్టుకొచ్చింది. రాష్ట్ర విభజన నిర్ణయం నేపథ్యంలో రాజకీయ సమీకరణలకు అనుగుణంగా ప్రత్యామ్నాయ శక్తుల పునరేకీకరణకు అన్ని పార్టీల్లోని నేతలు భారీగా కసరత్తు ప్రారంభించారు. అయితే విజయవాడకు చెందిన డాక్టర్‌ విశ్వనాథం అనే వ్యక్తి సమైక్యాంధ్ర రాష్ట్ర సమితి (ఎస్‌ఆర్‌ఎస్) పేరుతో కొత్త పార్టీని స్థాపించారు. దీనికి ఎన్నికల సంఘం నుండి కూడా అనుమతి కూడా లభించినట్లు సమాచారం కూడా వస్తుంది. అయితే పార్టీ స్థాపించిన విశ్వనాథం కేవలం ఒక డాక్టర్ మాత్రమే. ఆయన మాట్లాడుతూ రాష్ట్రాన్ని సమైక్యంగా ఉంచడం కోసమే ఈ పార్టీ అని ఇది సీమాంధ్ర ప్రజల పార్టీ అని ప్రకటించారు. అయితే అది నిజంగానే ప్రజల పార్టీయేనా? రాష్ట్ర విభజనకు సంబంధించి కాంగ్రెస్‌ అధినాయకత్వం నిర్ణయం ప్రకటించాక సీమాంధ్ర ప్రాంతంలో కొత్త పార్టీ ఆవిర్భవిస్తుందన్న ప్రచారం ఉవ్వెత్తున సాగింది. కాంగ్రెస్‌ పార్టీలోని కొందరు కేంద్ర మంత్రులు, లోక్‌సభ సభ్యులు, రాష్ట్ర మంత్రులు, పలువురు ఎమ్మెల్యేలు కలిసి ఈ కొత్త పార్టీ ఆవిర్భావానికి మంతనాలు జరుపుతున్నట్టు వార్తలు వెలువడ్డాయి. అయితే ఆర్ఎస్ఎస్ పార్టీ వెనుక విజయవాడ ఎంపి లగడపాటి రాజగోపాల్‌ కీలకపాత్ర పోషించినట్టు అత్యంత విశ్వసనీయం సమాచారం. కోస్తా జిల్లాకు చెందిన ముగ్గురు కేంద్ర మంత్రులు కూడా అండగా ఉన్నట్లుగా రాజకీయ వర్గాలు అంటున్నాయి. అయితే ఎస్ఆర్ఎస్ పార్టీని సీమాంద్ర ప్రజలు ఎలా రిసీవ్ చేసుకుంటారో చూడాలి.