వీరి కాంబినేషన్ లేనట్లేనా?

Posted: 07/22/2013 09:53 AM IST

నటుడిగా వెండితెరకు ఎంట్రీ ఆ తరువాత నిర్మాత అవతారం ఎత్తి స్టార్ హీరోల-బడా దర్శకుల కాంబినేషన్ లో సినిమాలు చేస్తూ అనతి కాలంలోనే బడా నిర్మాతగా పేరు తెచ్చుకున్న బండ్ల గణేష్ కి ప్రస్తుతం బ్యాడ్ టైం నడుస్తున్నట్లే అనిపిస్తుంది. ఇద్దరమ్మాయిల చిత్రం తరువాత మరో మెగా హీరో రామ్ చరణ్ - కొరటాల శివ కాంబినేషన్ లో గణేష్ నిర్మాతగా ఇటీవలే ఓ చిత్రం పూజా కార్యక్రమాలు జరుపుకున్న విషయం తెలిసిందే. అయితే తాజాగా ఫిలింనగర్ లో ఈ చిత్రం పై భారీ రూమర్ ఒకటి వినబడుతుంది. త్వరలో సెట్స్ పైకి వేళ్లేందుకు సిద్ధమైనందన్న ఈ చిత్రం ఆగిపోయిందని సమాచారం. ఆ రూమర్ ప్రకారం...రామ్ చరణ్ కి కొరటాల శివ చెప్పిన కథ నచ్చలేదని, అప్పటికీ రెండు మూడు లైన్స్ వినిపించినా చరణ్ పెద్దగా ఆసక్తి చూపలదేని చెప్పుకుంటున్నారు. ఆ మధ్య చరణ్ కి, గణేష్ కి చెడిందని, ఈ సినిమా పట్టాలెక్కడం కష్టమే అనుకున్నా చివరికి ముహూర్తం జరిపి అందర్ని షాక్ కి గురిచేశాడు. తాజాగా కథనచ్చకపోవడం, బండ్ల గణేష్ పట్ల మెగా ఫ్యామిలీ ఆసక్తి చూపకపోవడంతో ఈ చిత్రం ఆగిపొయిందని ఇన్ సైడ్ టాక్. దీంతో కొరటాల శివ కూడా తాజాగా మహేష్ బాబుతో ఓ చిత్రం కమీట్ అవ్వడం కూడా  ఈ రూమర్లకు బలం చేకూరుతుంది. కానీ మెగా అభిమానులు మాత్రం ఇవన్నీ బేస్ లెస్ రూమర్స్ అని కొట్టి పారేస్తున్నారు. ఏది ఏమైనా ఈ రూమర్లకు బ్రేక్ పడాలంటే ఎవరో ఒకరు స్పందించాల్సిందే.