భజ్జీ పాటకు విపరీతమైన క్రేజ్

Posted: 07/20/2013 07:20 PM IST

ప్రతి మనిషిలో కొన్ని కళలు ఉంటాయి వాటిని ప్రదర్శించినప్పుడే పదిమందికి తెలుస్తాయి. ఇక్కడ కూడా మన ఇండియన్ క్రికెటర్ అయిన హర్భజన్ సింగ్ తనలో క్రికెట్టే కాకుండా మరో కళ ఉందని నిరూపించుకున్నాడు. మన భారత జాతీయ జట్టుకు లెగ్ స్పిన్నర్ గా సేవలు అందించిన హర్భజన్ గత కొంత కాలంగా జట్టులో స్థానంలో కోల్పోయిన ఈయన సింగర్ గా అవతారం ఎత్తి తన కళను బయట పెట్టాడు. హర్భజన్ సింగ్ ఇంతకు ముదు ఓ పంజాబీ పాట పాడిన విషయం తెలిసిందే. తాజాగా మరో పాట పాడి తన కళాప్రదర్శనకు పూనుకున్నాడు. మేరీ మా అంటూ తల్లి గొప్పదనంపై పాట పాడాడు. ఈ వీడియో ఇప్పుడు యూ ట్యూబ్‌లో హంగామా చేస్తోంది. ఇప్పటికే ఈ పాటకు మంచి రెస్పాన్స్ వచ్చింది. గతంలో చాలా సందర్భాల్లో క్రికెట్ ఆట తరువాత ఎక్కువగా ప్రేమించేది సంగీతమే అని చెప్పిన భజ్జీ పంజాబీలో నిర్మాతగా మారాడు కూడా. అయితే ఇప్పుడు ఈ పాటకు మంచి రెస్పాండ్ రావడంతో ఎలాగు జట్టులో స్థానం కోల్పోయాడు కాబట్టి హర్భజన్ ని క్రికెట్ ని వదిలి పెట్టి సినిమా ఫీల్డులో ట్రై చేస్తే తప్పక రాణిస్తాడని అంటున్నారు. కానీ హర్బజన్ మాత్రం ఐదేళ్ల పాటు క్రికెట్ ఆడే సత్తా తనలో ఉందని చెప్పుకున్నాడు. తిరిగి జట్టులోకి రావడానికి తీవ్రంగా శ్రమిస్తున్నానని చెప్పాడు. ఐపియల్ ముంబై జట్టు తరఫున ఆడి రాణించినట్లు ఆయన తెలిపాడు. చూద్దాం జాతీయ జట్టులోకి వస్తాడో రాడో ...