కిరణ్ కి టి సెగ తగలనుందా ?

Posted: 07/19/2013 08:57 AM IST

కోర్ కమిటీ భేటీ తరువాత నేడు జరగనున్న రాష్ట్ర మంత్రి వర్గ సమావేశం రసవత్తరంగా మారనుంది. కోర్ కమిటీ భేటీలో రోడ్ మ్యాప్ లతో సహా తన సమైక్య వాదాన్ని వినిపించిన ముఖ్యమంత్రికి నేడు మంత్రి వర్గంలో తలనొప్పులు తప్పేలా లేవు. కోర్ కమిటీకి ముందు కిరణ్ ఎప్పుడు తెలంగాణ నిర్ణయం అధిష్టానం చేతుల్లో ఉంది. వారు ఏ నిర్ణయం తీసుకుంటే దానికి కట్టుబడి ఉంటానని చెప్పుకొచ్చిన కిరణ్ కోర్ కమిటీలో మాత్రం ప్రత్యేక రాష్ట్రం ఇస్తే తెలంగాణలో మళ్లీ నక్సలైట్లు బలోపేతం అవుతారని, జల వివాదాలు, విద్యుత్ సమస్యలు తలెత్తుతాయని, ఇందిరమ్మ మాట జవదాటి రాష్ట్రాన్ని విభజిస్తారా అంటూ తన సమైక్య వాదాన్ని వినిపించారనే వార్తలు ప్రచారం లో ఉన్న విషయం తెలిసిందే. కోర్ కమిటీ భేటీ లో సమైక్యాంద్రకు వ్యతిరేకంగా నిర్ణయం తీసుకుంటే సీమాంద్ర నాయకులు రాజీనామానాలు చేస్తామని, అందులో ముఖ్యమంత్రి కూడా ఉంటాడని హెచ్చరించిన విషయం తెలిసిందే. దీంతో కిరణ్ సీమాంద్రకు అనుకూలంగా చెప్పడంతో వారు హర్షం వ్యక్తం చేశారు. అయితే తెలంగాణ మంత్రులు మాత్రం కిరణ్ భేటిలో వినిపించిన సమైక్యవాదంలో కోపంతో ఊగిపోతున్నారు. ఈ నేపథ్యంలో శుక్రవారం జరిగే కేబినెట్ సమావేశంలో తెలంగాణ మంత్రుల వైఖరి ఎలా ఉంటుందనే అంశం ఆసక్తికరంగా మారింది. తెలంగాణ ప్రాంతానికి చెందిన మంత్రుల్లో కొంతమంది పలు అంశాల్లో ముఖ్యమంత్రికి గట్టి మద్దతుదారులుగా ఉన్నారు. తెలంగాణ విషయం వచ్చేసరికి ఆయన వైఖరిని సమర్థించడంలేదు. అలాగని, బహిరంగంగా వ్యతిరేకించడమూ లేదు. కానీ నేడు జరిగే సమావేశంలో మంత్రులు ముఖ్యమంత్రికి కడిగేయాలని భావిస్తున్నట్లు సమాచారం. మరి ఈ భేటీని ముఖ్యమంత్రి ఎలా ఎదుర్కొంటారో చూడాలి.