ఆడియో తేది ఖరారు అయ్యింది

Posted: 07/17/2013 09:24 AM IST

Attarintiki daredi movie audio function july 19th

టాలీవుడ్ పవర్ స్టార్ పవన్ కళ్యాణ్ - త్రివిక్రమ్ శ్రీనివాస్ కాంబినేషన్లో రూపొందుతున్న ‘అత్తారింటికి దారేది ’ చిత్రం ఆడియో పై ఎన్నో వార్తలు వచ్చిన విషయం తెలిసిందే. ఇప్పడు ఆ వార్తలకు పుల్ స్టాప్ పడినట్లు తెలుస్తుంది. తాజాగా అందుతున్న సమాచారం ప్రకారం పవర్ స్టార్ పవన్ కళ్యాణ్ హీరోగా రూపొందుతున్న ‘అత్తారింటికి దారేది' చిత్రం ఆడియో విడుదల తేదీతో పాటు వేదిక కూడా ఖరారైంది. ఈ నెల 19న శిల్పకళా వేదికలో ఆడియో విడుదల చేయాలని డిసైడ్ అయ్యారు దర్శక నిర్మాతలు. ఈ సినిమాకు సంబంధించిన టీజర్ విడుదల అయ్యి యూట్యూబ్ లో రికార్డుల మీద రికార్డులు కొడుతుండటంతో దీనికి వచ్చిన స్పందనను చూసి ఆడియోను గ్రాండ్ విడుదల చేయాలని భావించి ముమ్మరంగా ఏర్పాట్లు చేస్తున్నారు. ఆడియో ఫంక్షన్ కి తేది ఖరారు కావడంతో అభిమానులు ఎంతో ఆత్రుతలో 19వ తేదీ కొరకు ఎదురు చూస్తున్నారు. ఇక ఈ ఆడియో ఫంక్షన్ కి మెగా ఫ్యామిలీ నుండి కొంత మంది హీరోలు వస్తారని అంటున్నారు. అందులో చిరంజీవి ఉంటారో లేదో క్లారిటీ రావాల్సి ఉంది. అయితే ఇటీవల జరిగిన కొన్ని విషాద సంఘటనల నేపథ్యంలో పోలీసులు ఇలాంటి ఆడియో వేడుకలకు కఠిన నిబంధనలు పెట్టడంతో ఆడియో ఎలా జరుగుతుందో అని నిర్మాతల్లో భయం పట్టుకుంది. దేవీ శ్రీ ప్రసాద్ మ్యూజిక్ అందిస్తున్న ఈ చిత్రాన్ని ఆగష్టు 7న విడుదల చేయనున్నారు.