తెలుగు వారికి కోసం బాబు మరో సాహాసం

Posted: 06/26/2013 05:53 PM IST

తెలుగుదేశం పార్టీ అధ్యక్షుడు చంద్రబాబు నాయుడు తెలుగు వారి కోసం మరో అడుగు ముందుకేసి సాహాసం చేస్తున్నారు. చంద్రబాబు నాయుడు ఢిల్లీ నుంచి హుటాహుటిన డెహ్రాడూన్ బయలుదేరి వెళ్ళారు. అక్కడ తెలుగు బాధితులు ఆందోళనలో ఉన్నట్లు తెలియడంతో ఆయన బయలుదేరి వెళ్ళారు. హెలికాఫ్టర్‌లో ఎక్కడానికి తెలుగు బాధితులకు టోకెన్లు ఇవ్వడం లేదని, వారు తిండితిప్పలు లేక తీవ్ర ఇబ్బందులు పడుతుండడంతో అక్కడ పరిస్థితిని సమీక్షించిన అనంతరం చంద్రబాబు నాయుడు ఉత్తరాఖండ్ సీఎం విజయబహుగుణ దృష్టికి తీసుకువెళ్ళనున్నారు. బధిరీనాథ్, కేధార్‌నాథ్‌లో తెలుగు బాధితులను అధికారులుపట్టించుకోవడంలేదని, భోజన వసతి కూడా కల్పించడంలేదని బాధితులు వాపోయారు. ఈ పరిస్థితినిఅక్కడ సిఎందృష్టికి తీసుకువెళ్ళి బాధితులను ఆదుకోవాలని చంద్రబాబునాయుడు విజ్ఞప్తి చేయనున్నారు. ఒకవేళ ఉత్తరాఖండ్ సీఎం చేతులు పైకిఎత్తివేస్తే చంద్రబాబు నాయుడు టీడీపీ తరఫున హెలికాఫ్టర్లను ఏర్పాటు చేసి తెలుగు బాధితులను ఆంధ్రప్రదేశ్‌కు తరలించనున్నారు. ఇందు కోసం రంగం సిద్ధం చేస్తున్నట్లు తెలియవచ్చింది. అంతకు ముందు బద్రీనాథ్‌లో చిక్కుకున్న తెలుగు యాత్రికులతో చంద్రబాబు నాయుడు ఫోన్‌లో మాట్లాడారు. అనారోగ్యంతో బాధపడుతున్నామని త్వరగా రాష్ట్రానికి చేర్చాలని కోరిన బాధితులకు చంద్రబాబు ధైర్యం చెప్పారు. ఏ పార్టీ నాయకుడైతేమీ ..ఆపదలో ఉన్న తెలుగు ప్రజలను రక్షించటానికి చేసే సాహసం ఆయనలో ఉంది. ఆ సాహసం చేసి , ఆయన రాజకీయ భవిష్యత్తు కోసమా, పదవి కోసమా అనేది పక్కన పెడితే.. తెలుగు ప్రజలను ఆదుకోవాలనే తపన ఆయనలో నిండుగా కనిపిస్తోంది. ప్రభుత్వానికి చంద్రబాబు చేస్తున్న పని రాజకీయంలాగా అనిపించటం తప్పులేదు. ఎందుకంటే వారు అధికారంలో ఉన్నారు కాబట్టి, చంద్రబాబు అధికారం కోసమే బాధితులకు సహాయం చేస్తున్నాడని కాంగ్రెస్ నాయకులు అంటున్నారు. అన్ని చోట్లు ఈ రాజకీయపు మాటలు పనికిరావనే విషయాన్ని కాంగ్రెస్ నాయకులు తెలుసుకోవాలి.