Posted: 03/02/2013 11:45 AM IST

ప్రపంచంలో ఇప్పటి వరకు  ఇంత చిన్న వయసులో  కొన్ని కోట్ల కు  అధిపతి అయిన దాఖలు లేవు. ఇప్పుడు  బాలీవుడ్  బిగ్ బీ మనవరాలు  ‘ఆరాద్య’ పేరును చెప్పుకోవాలి. ఆ పాప ఇప్పుడే కొన్ని కోట్లకు అధిపతి అయింది. ‘పుడితే ‘ఐశ్వర్య’వంతుల ఇంట్లో పుట్టాలి. రూపాయి విలువ తెలియని వయసులోనే కోట్లకు అధిపతి అయిపోవచ్చు’’ అని బాలీవుడ్‌లో చాలామంది చెప్పుకుంటున్నారు. దానికి కారణం చిన్నారి ‘ఆరాధ్య బచ్చన్’. బిగ్ బి అమితాబ్‌బచ్చన్ మనవరాలు, ఐశ్వర్యాఅభిషేక్‌ల ముద్దుల కూతురైన ఈ పాప వయసు 15 నెలలు. కానీ ఆ పసిపాప పేరు మీద ఉన్న ఆస్తి విలువ 54 కోట్లు. ఈ విషయం విన్నవాళ్లు ఆరాధ్య అదృష్టం గురించి మాట్లాడుకోకుండా ఉండలేకపోతున్నారు. ఆ మధ్య తన ముద్దుల కూతురి కోసం అభిషేక్ చాలా ఖరీదైన ఆడి ఏ8 కారు కొన్నారు. తాజాగా ఆరాధ్య పేరు మీద దుబాయ్‌లో 54 కోట్లు విలువ చేసే ఓ ప్రాపర్టీ కొన్నారని సమాచారం.ఒకటి, రెండు, మూడు అంకెలే తెలియని వయసులో అన్ని కోట్లకు అధిపతి అయ్యింది ఆరాధ్య.

అసలు ఈ పాప పుట్టినప్పటి నుంచే సెలబ్రిటీ అయిపోయింది. బిడ్డకు జన్మనిచ్చిన తర్వాత ఆస్పత్రి నుంచి పాపను ఎత్తుకుని ఐష్ బయటికొస్తుంటే.. ఫొటోలు తీయడానికి చాలామంది ప్రయత్నించారు.  ఐష్ కుమార్తె ఎలా ఉంటుందో ప్రపంచానికి చూపించడానికి పలు ఆంగ్ల పత్రికలు ఆసక్తి కనబర్చాయి. మీ పాప ఫొటో ఇస్తే.. మేమింత ఇస్తాం అంటూ బచ్చన్ కుటుంబానికి ఓ భారీ ఆఫర్‌ని సదరు పత్రికలు ఇచ్చాయి. కానీ మా ఆరాధ్య షో పీస్ కాదంటు బచ్చన్ కుటుంబం అందుకు నిరాకరించింది. చివరికి అమితాబ్ 70వ పుట్టినరోజు వేడుకలో ఆరాధ్య అందరి కంటబడింది. ఆ తర్వాత ఐష్ ఓ అవార్డ్ స్వీకరిస్తూ.. కూతుర్ని ఎత్తుకుని మరీ వేదిక ఎక్కారు. ఆరోజు ఆ వేడుకకు ఆరాధ్య ప్రత్యేక ఆకర్షణ అయ్యింది. ఆ విధంగా ఎప్పటికప్పుడు వార్తల్లో నిలుస్తున్న ఈ పదిహేను నెలల బేబీ ఇప్పుడు 54 కోట్ల ఆస్తి రూపంలో మరోసారి వార్తల్లోకెక్కింది.