Posted: 02/27/2013 08:55 PM IST

టాలీవుడ్ ప్రిన్స్ మహేష్ బాబు భార్య అయిపోయిన నటి నమ్రతా శిరోద్కర్ పై ఇప్పుడు మీడియా ఫోకస్ పెట్టింది.  మాజీ మిస్ ఇండియాగా,  పాపులర్ హీరోయిన్ అయిన నమ్రత. మహేష్ బాబు  ప్రేమ పెళ్లి చేసుకోని హాయిగా జీవితం గడుపుతుంది. రీసెంట్ గా నమ్రతా, కొంతమంది హీరోయిన్లు చేసిన పనిని ఫాలో అయినట్లు తెలుస్తోంది. నయన తార, త్రిష,  తాప్సీ లాంటి  హీరోయిన్లు హవా చూపించాలనే ఉద్దేశంతో  ఆ పనిచేశారు. అంటే సినిమాల్లో  అవకాశాల కోసం, అభిమానుల కోసం,  ప్రేమించిన ప్రియుడి కోసం ఈ ముగ్గురు  హీరోయిన్లు తొందరపడి ఆ పని చేశారు.  ఈ విషయం లో  ఇటీవల నయన తార  ఈ పచ్చబొట్టు పై ఒక ప్రకటన చేసింది.  అభిమానం, ప్రేమ ఉండాలనే గానీ  పచ్చబొట్టు పొడిపించుకోరాదని ఆమె అమ్మాయిలకు సలహా ఇచ్చినట్లు కోలీవుడ్  వర్గాల సమాచారం.  అయితే  ఇదే బాటలో మహేష్ బాబు భార్య  నమ్రత కూడా తన చేతిపై టాటూ ( పచ్చబొట్టు ) వున్నట్లు  లేటేస్ట్ గా  టాలీవుడ్ లో  టాక్ నడుస్తుంది.  పెళ్లి చేసుకున్న తరువాత  నటనకు బై చెప్పి, ఇంటికే పరిమితం అయిన నమ్రతలో ఇలాంటికోణం కూడా ఉందని టాలీవుడ్ జనాలు చెవులు కొరుకుంటున్నారు.

ఇంతకీ  నమ్రత టాటూ ఏం వేయించుకుందని  మహేష్ బాబు అభిమానులు, మీడియా వారు, నమ్రతకు ఫోన్లు చేస్తున్నట్లు టాలీవుడ్ సమాచారం. అయితే  నమ్రత  తన భర్త , పిల్లలు గౌతమ్, సితార లపై వున్న ప్రేమను  చూపించడానికి , వారి ముగ్గురు పేర్లను  తన కుడి చేతి మీద టాటూని ఫారిన్ లో  ఒక పేరొందిన డిజైనర్  చేత  వేయించకుందని టాలీవుడ్ వర్గాలు అంటున్నాయి.  అయితే నమ్రత కుడి చేతి పై  ఉన్న టాటూ చూసిన ఆమె స్నేహితులు  స్పందిస్తూ.. ఇది  ప్రపంచంలోనే బెస్ట్ టాటూ అంటూ కితాబిస్తున్నారు.  ఈ టాటూ గురించి  మీడియా వారు నమ్రతాను అడిగితే.. ఆమె చాలా సున్నితంగా ఇది వ్యక్తిగత విషయం అని  చెప్పి తెలివిగా తప్పించుకుందని మీడియా వర్గాలు అంటున్నాయి.  అయితే నమ్రత టాటూ మాత్రం దేవనాగిరి ఫాంట్ తో ఉన్నట్లు  ఆమె స్నేహితులు చెబుతున్నారు. ఈ టాటూ పై మహేష్ బాబు చాలా హ్యాపిగా ఉన్నట్లు టాలీవుడ్ సమాచారం.