Posted: 02/26/2013 11:30 AM IST

నిన్నటి నుంచీ భారత్ విజయ పరంపరలే వినవస్తున్నాయి.  నిన్న శ్రీహరి కోట నుండి అంతరిక్షంలోకి ఏడు సాటిలైట్లను మోసుకెళ్ళిన పిఎస్ఎల్ వి సి-20, ఈ రోజు చెన్నైలో భారత్ ఆస్ట్రేలియాల మధ్య జరిగిన మొదటి క్రికెట్ టెస్ట్ మ్యాచ్ లో భారత ఘన విజయం. 

నిన్న సాయంత్రం 6.01 కి అంతరిక్షంలోకి ఎగిసిన పిఎస్ఎల్ వి భారత్ ఫ్రెంచ్ సంయుక్తంగా నిర్మించిన సరల్ తో పాటు మరో ఆరు సాటిలైట్లను మోసుకెళ్తూ నిర్ధారిత ఆర్బిట్ లో ప్రవేశించింది.

చెన్నై లో జరిగిన మొదటి టెస్ట్ మ్యాచ్ స్కోరు ఇలా-

టాస్ గెలిచిన ఆస్ట్రేలియా బ్యాటింగ్ చేసి మొదటి ఇన్నింగ్స్ లో తీసిన పరుగులు – 380
దానికి దీటుగా భారత తీసిన పరుగులు- 572
రెండవ ఇన్నింగ్స్ లో ఆస్ట్రేలియా తీసిన పరుగులు – 241
చాలా సులువుగా భారత్ ఆడి తీసిన పరుగులు రెండు వికెట్ల నష్టానికి – 50

మార్చి 2 నుండి జరగబోయే రెండవ టెస్ట్ మ్యాచ్ కి హైద్రాబాద్ వేదిక.  దానికి టిక్కెట్ల విక్రయం నిన్ననే మొదలైంది. 

-శ్రీజ