Posted: 02/12/2013 03:53 PM IST

ఫిబ్రవరి 14 వంద కోట్ల మందితో మార్చ్ రెఢీ అవుతున్నారు. ఈ మార్చ్ లో మగవారికి స్థానం  లేదట. కేవలం వంద కోట్ల మంది మహిళలే  ఈ మార్చ్ లో పాల్గొంటున్నట్లు  సమాచారం. ఈ మార్చ్ తెలంగాణ రాష్ట్రం కోసం కాదులేండి. మార్చ్  అంటే  తెలంగాణ కోసం  కేసిఆర్ ఆద్వర్యంలో  జరిగిన మార్చ్ గుర్తుకు వస్తుంది. ప్రపంచ స్థాయిలో  ఈ మార్చ్ జరుగుతుందని చెబుతున్నారు. ఈ ఉద్యమాన్ని  మహిళలే చేయటం విశేషం.   ప్రపంచ  జనాభాలో  సుమారు వంద కోట్ల మంది మహిళలు  ఏదో ఒక విధంగా  వేదింపులకు గురయిన వారే  వారంతా  వాలెంటైన్స్  డే  రోజున తమ హక్కులూ, స్వేచ్చా  సమానత్వంతో  కూడిన  జీవితం  గురించి  దేశదేశల్లో  గొంతు విప్పునున్నారు.  ఈ మహా కార్యక్రమం పేరు ‘వన్ బిలియన్ రైజింగ్’.   దీనికి  దాదాపు  194 దేశాలు వేదిక  కాబోతున్నాయి.  దీనిలో  భాగంగా  బాధిత  మహిళలతో  పాటూ వారికి  అండగా  నిలవాలనుకునే స్ర్తీలు, నాయకురాళ్లు  ఫిబ్రవరి 14న రోడ్లపై డ్యాన్స్ లతో , ధర్నాలతో  సహా వివిధ  కార్యక్రమాలు నిర్వహిస్తారు. 

సుమారు పదిహేనేళ్ల  క్రితం 1998 లో సరిగ్గా  ప్రేమికుల  రోజునే  మహిళలపై  జరిగే  హింసకు  వ్యతిరేకంగా  వి-డే  పేరుతో  ఉద్యమాన్ని అమెరికాకు  చెందిన ప్రఖ్యాత  రచయిత్రి  ఈవ్  ఎన్ స్లర్ ప్రారంభించింది.  ఆ కార్యక్రమం  ఎన్నో దేశాల్లోని  బాధిత  మహిళలకు  అండగా  నిలిచింది. ఈ ఫిబ్రవరి 14తో ఆ ఉద్యమం  మొదలై పదిహేనేళ్లు పూర్తి  చేసుకుంటోంది. ఈ సందర్భంగా  వన్ బిలియన్  రైజింగ్  కార్యక్రమానికి  రూపకల్పన  చేశారు.  ఢిల్లీలోని  పార్లమెంట్  భవనం దగ్గర  మార్చ్తో  పాటూ మనదేశంలోని దాదాపు అన్ని రాష్ట్రాల్లో వన్ బిలియన్  రైజింగ్ పోరాటంలో  పాల్గొనేందుకు  స్వచ్చంద సంస్థలూ, మహిళలూ సిద్దమయ్యారు.