Posted: 02/01/2013 07:59 PM IST

ప్రముఖ నటుడు కమల్ హాసన్ నటించిన   విశ్వరూపం చిత్రతం  వివాదాల్లో  చిక్కుకున్న విషయం తెలిసిందే. అయితే  ఆ సినిమా పై ప్రముఖు స్పందిస్తున్నారు. తమిళనాడు ముఖ్యమంత్రి సైతం  కమల్ తో తమకు విభేదాలు లేవని  చెప్పటం జరిగింది. శాందిభద్రతల  కారణంగానే  సినిమాను  నిలిపివేయటం జరిగిందని  జయలలిత  చెప్పటం జరిగింది. అయితే  ఈరోజు  వివాదాల్లో చిక్కుకున్న 'విశ్వరూపం' చిత్రంపై తమిళనాడు గవర్నర్ రోశయ్య స్పందించారు. ప్రజల మనోభావాలు దెబ్బ తినకుండా చిత్ర నిర్మాతలు జాగ్రత్తలు తీసుకోవాలని ఆయన సూచించారు. సున్నిత అంశాల విషయంలో నిర్మాతలు అప్రమత్తంగా ఉండాలని అన్నారు. ఈ ఏడాది తొలిసారిగా ప్రారంభమయిన తమిళాడు అసెంబ్లీ సమావేశాలు గవర్నర్ రోశయ్య ప్రసంగంతో ప్రారంభమయ్యాయి. ఈ సందర్భంగా ఆయన పై వ్యాఖ్యలు చేశారు. ప్రజల మనోభావాలు దెబ్బతినకుండా చిత్ర నిర్మాతలు జాగ్రత్తలు తీసుకోవాలని విజ్ఞప్తి చేశారు. కమల్ హాసన్ విశ్వరూపం సినిమాపై తమిళనాడు ప్రభుత్వం నిషేధం విధించిన నేపథ్యంలో గవర్నర్ ఈ వ్యాఖ్యలు చేశారు. మరోవైపు ‘విశ్వరూపం’ చిత్రంపై చర్చలు ప్రారంభమయ్యాయి.

హోంశాఖ సెక్రటరీ అధ్యక్షతన చర్చలు జరుగుతున్నాయి. ఈ చర్చల్లో కమల్‌హాసన్ సోదరుడు, ముస్లిం ప్రతినిధులు హాజరయ్యారు. ఈ సినిమాలోని కొన్ని సన్నివేశాల పట్ల ముస్లిం వర్గాలు అభ్యంతరాలు వ్యక్తం చేస్తుండటం, తమిళనాడు ప్రభుత్వం సినిమాను నిషేధించిన నేపథ్యంలో బిజెపి నేతలు సినిమాను చూడటం ప్రాధాన్యత సంతరించుకుంది. కాగా కమల్ హాసన్ నటించిన విశ్వరూపం చిత్రం వివాదాస్పదమైన విషయం తెలిసిందే. ఆ సినిమా తెలుగు వర్షన్ ఇప్పటికే విడుదల కాగా హిందీ వర్షన్ ఈ రోజు విడుదలయింది. మిగిలిన పలు భాషల్లో ఆ సినిమా విడుదలయింది. అయితే తమిళనాడు ప్రభుత్వం మాత్రం ససేమీరా అంటోంది. అయితే ఈ రోజు జరుపుతున్న చర్చలు ఫలించే అవకాశాలు కనిపిస్తున్నాయి.