Posted: 12/22/2012 04:37 PM IST

ఏ దేశ మేఁగినా, ఎందు కాలిడిన, ఏ పీఠమెక్కినా, యెవ రెదు రయిన, పొగడరా, నీ తల్లి భూమి భారతిని, నిలుపరా, నీ జాతి నిండు గౌరవము! అని ఒక మహాకవి రాయటం జరిగింది.  ఈ విషయాన్ని కొంత మంది భారతీయలు ఇప్పటికి ప్రపంచ దేశలలో పాటిస్తూ,  తెలుగోడికి  ఉన్న గొప్పతనం ఏమిటో నిరూపిస్తున్నారు. అలాగే ఇప్పుడు ఒక యువకుడు  చైనాలో  తెలుగోడి సత్తా ఏమిటో  రుచి చూపించాడు గోవిందరాజ్.  చైనా చలన చిత్రోత్సవం .. బరిలో  173 సినిమాలు .. ప్రదర్శనకు వచ్చాయి. అందులో  ఎంపికైనవి  ముప్పై నాలుగు సినిమాలో.  ఆ ముప్పై నాలుగో  ఒకటి మన తెలుగు యువకుడు రూపొందించిన  సినిమా.  ఎక్కడో మారూమూల పల్లె.  గిరిజన  తండాలో పుట్టిపెరిగిన  కుర్రాడో.  ఊరు దాటి  పెద్ద చదువులు చదివితే  గొప్పే అలాంటిది  చదువుతూనే .. సొంతంగా  అఘుచిత్రం రూపొందించాడు.   అంతర్జాతీయ  చిత్రోత్సవలో మెరిశాడు.  అతడే ఆదిలాబాద్   జిల్లా దేవాపూర్ ఏజెన్సీ  ప్రాంతం యువకుడు గోవిందరాజ్.   ఇతన్ని అందరు రాజు   అని పిలుస్తారు.   రాజు  ఆలోచనలు  మొదటి నుండి  డ్రాయింగ్ పై  ఎక్కువ ఆసక్తి చూపేవాడు.  రాజ్ గీసే బొమ్మలు  అచ్చం ప్రక్రుతిలో కలిసిపోయే విధంగా ఉండేవి. అతన్ని స్నేహితులు  నీ ప్రతిభకు  ఫైనార్ట్స్  కోర్సు చేస్తే  బాగుంటుందని  సలహాలు చెబుతుంటేవారు. అయితే రాజ్  స్నేహితుల సలహాల మేరకు  హైదరాబాద్ కు వచ్చి   జేఎన్ టీయూలో  కోర్సు చేస్తూనే  మల్టీమీడియా  వెబ్ డిజైనింగ్ కోర్సులు పూర్తి చేశాడు.  అలాంటి సమయంలో నే  రాజుకు  సినిమాలపై   మక్కువ పెరిగింది.    ఆ మక్కవతోనే  పుణెలోని  ఫిల్మ్  అండ్  టెలివిజన్  ఇనిస్టిట్యూట్  ఆఫ్  ఇండియాలో ఫిల్మ్  డైరెక్షన్  కోర్సులో సీటు సంపాదించాడు.  

రాజు సొంత  ఆలోచనలతో  గోల్డెన్ మ్యాంగో  అనే లఘచిత్రాన్ని  తెరకెక్కించాడు.   గోల్డెన్ మ్యాంగో  కోర్సులో  భాగంగా  చేసిన  సినిమా.  పరిమిత పాత్రలు,  పరిమిత వనరులతోనే  పూర్తిగా స్టూడియోలోనే చిత్రం నిర్మించాడు.  ఇరవై అయిదు నిమిషాల నిడివి  ఉండే ఈ చిత్రాన్ని  ఏడు రోజుల్లో  పూర్తి చేసినా దీని కోసం  ఆరు నెలలు  కష్టపడ్డాడు.  ప్రపంచీకరణ, అసంబద్ద మార్కెట్  విధానాల  కారణంగా మనకే  సొంతమైన వస్తువులు మనకు అందకుండా పోతున్నాయనేది  కథాంశం.  దీన్ని ముందుగా  గోవా చిత్రోత్సవాల్లో  ప్రదర్శించారు. తర్వాత  ప్రతిష్టాత్మక  ‘బీజింగ్ ఫిల్మ్  అకాడేమీ’కి మరో నాలుగు చిత్రాలతో కలిసి పంపించారు.  పుణె ఫిల్మ్  అండ్  టెలివిజన్  సంస్థ ప్రతినిధులు  . ఇలా  నలబై దేశాల నుంచి  173 చిత్రాలు  బరిలో నిలిచాయి.  చివరకు  ఉత్తమమైన 34 సినిమాలు  తుది పోటీలకు  అర్హత సాధించాయి.  అందులో  ఇండియా నుంచి  ఎంపికైన  ఏకైక  చిత్రంగా నిలిచింది.  గోల్డెన్  మ్యాంగోనే, అవార్డు సాధించకపోయినా  న్యాయనిర్ణతల, విమర్శకుల ప్రశంసంలు పొందాడు గోవిందరాజు.                                                                        (ఒక తెలుగు దినపత్రిక సౌజన్యంతో )